ށ.އަތޮޅު 11 ރަށުގައި ޖުމުލަ 136 ކޮވިޑް 19 ބަލިމީހުން ތިބިކަމަށް ށ.އަތޮޅު ހޮސްޕިޓަލްގެ ތަފާސްހިސާބުތަކުން ދައްކައިފިއެވެ.
ށ.އަތޮޅު ހޮސްޕިޓަލުން ހާމަކޮށްފައިވާގޮތުން އެންމެ ބަލިމީހުން ގިނައީ އެ އަތޮޅު ފުނަދޫގައެވެ. އެރަށުން ޖުމުލަ 59 ކޭސް ފެނިފައިވެއެވެ. އަދި ކޮމަންޑޫ ން 17 ކޭސް، ކަނޑިތީމުން 15 ކޭސް، މާއުނގޫދޫން 12 ކޭސް ފެނިފައިވެ އެވެ. އަދި ނޫމަރާއިން 6 ކޭސް، އަދި ފޭދޫ އިން 4 ކޭސް، ފެނިފައިވެއެވެ. ފީވައް، މަރޮށި، އަދި ޅައިމަގު، މިތިން ރަށުންވެސް ޕޮޒިޓިވް ވެފައި ވަނީ 2 ކޭހެވެ. ގޮއިދޫން 1 ފަރާތެއް ޕޮޒިޓިވް ވެފައިވެއެވެ.
ށ.އަތޮޅުން މިވަގުތު މޮނިޓަރިންގައި އޮތީ ފުނަދޫއެވެ. އެރަށް މޮނީޓަރިނަން ލާފައިވަނީ 14 ޖެނުވަރީ ގައެވެ.
ރާއްޖެއިން ކޮވިޑް 19އަށް ޕޮޒިޓިވްވި މީހުންގެ އަދަދު ވަނީ 112،628 އަށް އަރާފައެވެ. ކޮވިޑްގެ އެކްޓިވް ކޭސްތަކުގެ ގޮތުގައި މިހާރު އުޅެނީ 11،535 ކޭސް އެވެ. މި ބަލިން 100،811 މީހުން ރަނގަޅުވެފައިވާއިރު ހޮސްޕިޓަލުގައި ފަރުވާ ދެމުންދަނީ 49 މީހަކަށެވެ. މި ބަލީގައި 269 މީހަކު ވަނީ ނިޔާވެފައެވެ.
