ރާއްޖެއިން އޮމިކްރޯން ވޭރިއަންޓްގެ 74 ކޭސް ފެނިފައިވާކަމަށް ހެލްތު ޕްރޮޓެކްޝަން އޭޖެންސީން ބުނެފިއެވެެ.
މިހާރު ކުރިއަށްދާ ނޫސްވެރިންގެ ބައްދަލުވުމުގައި ވާހަކަ ދައްކަވަމުން އެޗްޕީއޭގެ އެޕިޑެމިއޮލޮޖިސްޓް ޑރ. އިބްރާހިމް އަފްޒަލް ވިދާޅުވީ މިހާތަނަށް ފޮނުވި 1196 ސާމްޕަލްގެ ތެރެއިން 74 ކޭސް އޮމިކްރޯނަށް ޕޮޒިޓިވްވެފައިވާ ކަމަށެވެ.
ޑރ. އަފްޒަލް ވިދާޅުވީ އޮމިކްރޯންއަށް ޓެސްޓު ކުރަން، 11 ޖަނަވަރީގައި ފޮނުވި ބެޗްގެ 100 ސާމްޕަލްގެ ތެރެއިން 51 ސާމްޕަލް އޮމިކްރޯންއަށް ޕޮޒިޓިވްވެފައިވާ ކަމަށެވެ.
އޮމިކްރޮން ފެނުނު ރަށްތަކަކީ މާލެ، ކ. މާފުށި، ދ. ކުޑަހުވަދޫ، އައްޑޫ ސިޓީ، ލ. ގަން، ލ. މުންޑޫ، ލ. އިސްދޫ، ހދ. ވައިކަރަދޫ، ހދ. ނޮޅިވަރަމް، ފ. މަގޫދޫ، ކ. ތުލުސްދޫ ހިމެނެއެވެ.
