ކޮވިޑް ވެކްސިންގެ ތިންވަނަ ޑޯޒުގެ ގޮތުގައި ދެމުން އަންނަ ބޫސްޓާ ޑޯޒު ޖެހި މީހުންގެ އަދަދު 28،000 އިން މައްޗަށް އަރައިފި އެވެ.
ހެލްތު ފްރޮޓެކްޝަން އޭޖެންސީ (އެޗްޕީއޭ) އިން ބުނީ ވޭތުވެދިޔަ 24 ގަޑިއިރުގެ ތެރޭގައި 3،333 މީހުން ބޫސްޓާ ޑޯޒު ޖަހާފައިވާ ކަމަށެވެ. މީގެ ތެރެއިން މާލެ ސަރަހައްދުގައި 2657 ބޫސްޓާ ޑޯޒު ޖަހާފައިވާއިރު އަތޮޅު ތެރެއިން 676 މީހަކު ވަނީ ބޫސްޓާ ޑޯޒު ޖަހާފަ އެވެ.
އެގޮތުން މިހާތަނަށް އެ ވެކްސިން ޖަހާފައިވާ މީހުންގެ ޖުމްލަ އަދަދު ވަނީ 52،475 އަށް އަރާފަ އެވެ.
އެޗްޕީއޭއިން ބޫސްޓާ ޑޯޒު ޖަހަން ފަށާފައިވަނީ މިދިޔަ އޮކްޓޫބަރު މަހުގެ ހަތަރު ވަނަ ދުވަހުން ފެށިގެންނެވެ. އެއީ 60 އަހަރުން މަތީގެ މީހުންނާއި ދިފާއީ ނިޒާމު ބަލިކަށި މީހުންނާއި ފްރޮންޓް ލައިންގައި މަސައްކަތް ކުރާ ސިއްހީ މުވައްޒަފުން އެކަންޏެވެ. ނަމަވެސް މިހާރު އަންނަނީ 18 އަހަރުން މަތީގެ އެންމެންނަށް ވެސް ބޫސްޓާ ޑޯޒު ޖަހަމުންނެވެ.
