ހަނިމާދޫ ޑަބްލިޔު.ޑީ.ސީއިން 220056 ރުފިޔާ ހަރަދުކޮށް ތަރައްގީކުރަން ހަވާލުކުރި ޕިކްނިކް އޭރިއާ މުއްދަތު ހަމަވިރުވެސް ނުނިމެއެވެ.
ހަނިމާދޫ ޑަބްލިޔު.ޑީ.ސީއިން މިމަސައްކަތް ހަވާލުކޮށްފައިވަނީ 25 ދުވަހުގެ ތެރޭގައި ނިންމާގޮތަށް އަރުތަ އިންވެސްޓްމެންޓާއެވެ.
މި މަސައްކަތުގެ ތެރެއިން 2 ހަޓާއި 3 ބާބެކިއު ގްރިލްއާއި 3 ޝަވަރުގެ އިތުރުން ކުޑަ ކެންޓީންއަކާއި އައުޓްޑޯ ބެންޗެއް އަޅަން ޖެހެއެވެ. މީގެ އިތުރުން އެ ސަރަހައްދަށް ކަރަންޓުލައި ވަށާ ބައުންޑަރީއަކާއިއެކު އެ ސަރަހައްދު ވަކި ކުރަންވެސްޖެހެއެވެ.
އެއްބަސް ވުމުގައިވާ 25 ދުވަސް މިމަހުގެ އެއްވަނަ ދުވަހަށް ހަމަވެފައިވާއިރު އެތަނުގައި ފެންނަން ހުރީ ވަޅަކާއި 2 ހަޓުގެ ތަބުތައް އެކަންޏެވެ.
މައުލޫމާތު ލިބޭގޮތުން މުއްދަތު އިތުރު ކުރަން އަރުތަ އިންވެސްޓްމެންޓުން ވަނީ އެދިފައެވެ. ނަމަވެސް މުއްދަތު އިތުރު ކޮށްދިނުމާމެދު ގޮތެއް އަދި ނިންމާފައެއްނުވެއެވެ.
މީގެ ކުރިން ހަނިމާދޫ ދަނޑު މަސައްކަތްވެސް ދުވަހަށް ނުނިމި ދުވަސް އިތުރު ކޮށްދީފައިވެއެވެ. މިހާރު އޮފީސް އިމާރާތް އިތުރު ކުރާބައިވެސް ދުވަހަށް ނިމިދާނެކަމާމެދު އާންމުން ދަނީ ސުވާލު އުފައްދަމުންނެވެ. މި މަސައްކަތްތައް ހަވާލު ކޮށްފައި ވަނީ އަރުތަ އިންވެސްޓްމެންޓާއެވެ.
ޚިޔާލުތައް: