ހަނިމާދޫ ކައުންސިލް އަދި ޑަބްލިޔު.ޑީ.ސީއަށް ދެރައީސުންނާއި ބައްދަލެއް ނުވިއެވެ.
ކޮމަންޑޫ ދާއިރާއަށް ކުރެއްވި ދަތުރުފުޅަށް ފަހު މާލެ ފުރުމަށް ރައީސުލްޖުމްހޫރިއްޔާ އިބްރާހިމް މުހައްމަދު ސާލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ހަނިމާދޫއަށް ވަޑައިގެންނެވިއެވެ.
ދެރައީސުން ހަނިމާދޫއަށް އިރުއޮއްސި 6:45 ހާއިރު ވަޑައިގެން އެރޭ 10 ޖެހުމާއި، ހަމައަށް ހަނިމާދޫ ސިޓީ ހޮޓަލް ގައި މަޑުކުރައްވާފައިވެއެވެ.
އެމްޑީޕީ ސްޕަރ މެޖޯރިޓީއެއް އޮންނަ ހަނިމާދޫ ކައުންސިލުންގ އަދި ޑަބްލިޔު.ޑީ.ސީއިން ދެ ރައީސުންނާއި ބައްދަލުކުރަން އެދި ސިޓީ ހޮޓަލަށް ދިއުމުން ބައްދަލުނުކޮށް ފޮނުވާލާފައިވާކަން އިތުބާރު ހިފޭ މަސްދަރަކުން ވަނީ ގޮށްކޮޅަށް މައުލޫމާތު ދީފައެވެ.
ހަނިމާދޫ އެއާޕޯޓަށް އިތުރު ކުރަން އުޅުނު ބިމުގެ މައްސަލައަށް ފަހު ހަނިމާދޫ ކައުންސިލާއި އެމްޑީޕީގެ ބޮޑުންނާއި ދެމެދު ގުޅުން ހީނަރު ވެފައި ވާކަމަށް ހަނިމާދޫ ގިނަ ރައްޔިތުން ބުނެއެވެ.
