ހަނިމާދޫގައި އިއްޔެ ޓްރެފިކް އޮޕަރޭޝަނެއް ފުލުހުން ހިންގައިފިއެވެ.
ހަނިމާދޫގައި ކުރިއަށް ގެންދިޔަ މި ޓްރެފިކް އޮޕަރޭޝަނުގައި ވަނީ ހަނިމާދޫގައި ދުއްވާ އުޅަނދުތަކަކީ އެއްގަމު ދަތުރުފަތުރުގެ ޤާނޫނާއި ޤަވާއިދާއި އެއްގޮތަށް ދުއްވާ އުޅަނދުތަކެއްތޯ ބަލާފައެވެ. އަދި އަހަރީ ފީއާއި އިންޝުއަރެންސާއި ރޯޑްވާދިނަސް ބެލުމުގެ އިތުރުން ޓްރެފިކްގެ އެހެނިހެން ވައިލޭޝަންތައް ބަލާފައިވާނެ ކަމަށް ފުލުހުން މައުލޫމާތު ދެއްވައެވެ.
އެގޮތުން މި ޓްރެފިކް އޮޕަރޭޝަންގައި 29 އުޅަނދު ބަލާ ފާސްކޮށްފައިވާކަމަށް ފުލުހުން މައުލޫމާތު ދެއްވައެވެ.
މަގުމަތީގެ ސަލާމަތާއި ރައްކާތެރިކަން ކަށަވަރުކުރުމުގެ ގޮތުން ޓްރެފިކް އޮޕަރޭޝަންތައް ދޭތެރެ ދޭތެރެއިން ފުލުހުން ދަނީ ހިންގަމުނެވެ.
