ޓެކާސްއިން މުޅި ރާއްޖެއަށް އަމާޒުކޮށް ބާއްވާ “ޓެކާސް މައިލޯ ޗެމްޕިއަންޝިޕް މޯލްޑިވްސް ކަޕް” ފުޓްސަލް މުބާރާތުގެ ހދ.އަތޮޅުގެ ޗެމްޕިއަންކަން 4 – 2 ން ހަނިމާދޫ ބަލިކޮށް ކުޅުދުއްފުށި ސިޓީން ހޯދައިފިއެވެ.
މި މެޗުގައި ފުރަތަމަ ލަނޑު ޖަހާފައި ވަނީ ކުޅުދުއްފުށިންނެވެ. މި ލަނޑު ކާމިޔާބު ކޮށްދީފައި ވަނީ އެ ޓީމްގެ ޖޯޒީ ނަމްބަރު 10 އަބޫއެވެ. ފުރަތަމަ ހާފު ނިމިގެން ގޮސްފައި ވަނީ މި ނަތީޖާއިން ކުޅުދުއްފުށި ކުރީގައި އޮވެގެންނެވެ.
މެޗުގެ ދެވަނަ ހާފުގެ ކުރީކޮޅު ހަނިމާދޫ ޓީމުން ވަނީ ލަނޑުޖަހައި ނަތީޖާ ހަމަހަމަ ކޮށްފައެވެ. މި ލަނޑު ކާމިޔާބު ކޮށްދީފައި ވަނީ ހަނިމާދޫ ޓީމްގެ ޖޯޒީ ނަމްބަރު 17 އަލީ އާމިރެވެ. ނަތީޖާ ހަމަހަމަ ކުރިތާ ކުޑަ އިރުކޮޅެއްތެރޭ ކުޅުދުއްފުށިން ވަނީ ދެވަނަ ލަނޑު ޖަހައި، ދެވަނަ ފަހަރަށް މެޗުގެ ލީޑު ހޯދާފައެވެ. މި ލަނޑު ކާމިޔާބު ކޮށްދީފައި ކުޅުދުއްފުށި ޓީމްގެ ޖޯޒީ ނަމްބަރު 9 އިބްރާހީމް ހަސަންއެވެ.
އެއަށްފަހު ކުޅުދުއްފުށި ޓީމުން އުފެއްދި ކައުންޓަ އެޓޭކްގައި އެ ޓީމުން ވަނީ އިތުރު ލަނޑެއް ކާމިޔާބުކޮށް ފަރަގު ބޮޑު ކޮށްފައެވެ. މި ލަނޑު ކާމިޔާބު ކޮށްދީފައި ވަނީ އެ ޓީމުގެ ޖޯޒީ ނަމްބަރު 8 އަހްމަދު މުހައްމަދެވެ. ކުޅުދުއްފުށިން ދެ ލަނޑުގެ ލީޑެއް ނެގިނަމަ ވެސް ހަނިމާދޫ ޓީމްގެ ޖޯޒީ ނަމްބަރު 17 އަލީ އާމިރު ކާމިޔާބުކުރި ލަނޑާއިއެކު ފަރަގު ކުޑަވެގެންދިޔަ އެވެ.
މެޗުގެ ނަތީޖާ ހަމަހަމަ ކުރުމަށް ހަނިމާދޫ ޓީމް ކުރިއަށް ޖެހިގެން މަސައްކަތް ކުރަމުން އައުމުގެ ތެރޭގައި ކުޅުދުއްފުށި ޓީމުން އުފެއްދި ކައުންޓަ އެޓޭކެއްގައި އެ ޓީމްގެ ހަތަރުވަނަ ލަނޑު ކާމިޔާބު ކޮށްދީފައި ވަނީ ހަސަން މުޙައްމަދެވެ.
ރޭގެ ފައިނަލުން މޮޅުވެ ބްލޮކް 1 ގެ ޗެމްޕިއަންކަން ކުޅުދުއްފުއްޓަށް ލިބުނުއިރު ބްލޮކް 1 އަދި ބްލޮކް 2 ވާދަކުރާ ޒޯން 1 ގެ ފައިނަލުގައި ކުޅުދުއްފުށި ނުކުންނަން ޖެހޭނީ ގަދަފަދަ މާފަރާ ދެކޮޅަށެވެ. މިމަހުގެ 14 ވަނަ ދުވަހު ކުޅެން ހަމަޖެހިފައިވާ މި މެޗު އޮންނާނީ ނ. މާފަރުގައެވެ.
މި މުބާރާތް ނިމުމުން މުބާރާތުގެ ވަނަވަނައަށް ހޮވުނު ފަރާތްތަކަށް ވަނީ ޓްރޮފީއާއި މެޑަލް ހަވާލު ކޮށްފައެވެ.
މުބާރާތުގައި ހޮވާފައިވާ ވަނަތައް:
- ފައިނަލް މެޗުގެ މޮޅު ކުޅުންތެރިޔާ : ކުޅުދުއްފުށި ޓީމްގެ ޖޯޒީ ނަމްބަރު 07 އަހްމަދު ދާއޫދު
- މުބާރާތުގެ އެންމެ މޮޅު ކުޅުންތެރިޔާ : ކުޅުދުއްފުށި ޓީމްގެ ޖޯޒީ ނަމްބަރު 07 އަހްމަދު ދާއޫދު
- މުބާރާތުގެ އެންމެ މޮޅު އެންމެ ހަގު ކުޅުންތެރިޔާ : ނޭކުރެންދޫ ޓީމްގެ ޖޯޒީ ނަމްބަރު 23 މުހައްމަދު އަބާން
މުބާރާތުގެ އެންމެ މޮޅު ފަސް ކުޅުންތެރިން.
- ހަނިމާދޫ ޓީމްގެ ޖޯޒީ ނަމްބަރު 17 އަލީ އާމިރު
- ހަނިމާދޫ ޓީމްގެ ޖޯޒީ ނަމްބަރު 07 އާސިފް ސަލީމް
- ހަނިމާދޫ ޓީމްގެ ޖޯޒީ ނަމްބަރު 14 އާލިފް އިބްރާހީމް
- ކުޅުދުއްފުށި ޓީމްގެ ޖޯޒީ ނަމްބަރު 10 އަބޫބަކުރު އާދަމް
- ނޮޅިވަރަންފަރު ޓީމްގެ ޖޯޒީ ނަމްބަރު 10 އަބްދުﷲ ޝަފީއު (ކޭޑީ)
- ޗެމްޕިއަން ޓީމް : ކުޅުދުއްފުށި
- ރަނަރއަޕް ޓީމް : ހަނިމާދޫ ޓީމް
- މުބާރާތުގެ އެންމެ މޮޅު ގޯލް ކީޕާ : ކުޅުދުއްފުށި ޓީމްގެ ޖޯޒީ ނަމްބަރު 20 މާހީ
- މުބާރާތުގެ އެންމެ ގިނަ ގޯލް ޖެހި ކުޅުންތެރިޔާ: ހަނިމާދޫ ޓީމްގެ ޖޯޒީ ނަމްބަރު 07 އާސިފް ސަލީމް (7ލަނޑު)
- މުބާރާތުގެ އެންމެ މޮޅު ކޯޗް : ކުޅުދުއްފުށީގެ ކޯޗް ސިނާން
- މުބާރާތުގެ ބެސްޓް ޕްލޭ މޭކާ : ހަނިމާދޫ ޓީމްގެ ޖޯޒީ ނަމްބަރު 17 އަލީ އާމި
