ގދ. ފަރެސްމާތޮޑާ އެއަރޕޯޓް ތަރައްޤީ ކުރުމުގެ މަޝްރޫޢުގެ ދަށުން، ރަންވޭގެ ސަބްގްރޭޑް މަސައްކަތްތަކާއި އޭބީސީ މަސައްކަތްތައް ނިމިއްޖެއެވެ.
އެމްޓީސީސީން މިއަދު ބުނެފައިވަނީ ފަރެސްމާތޮޑާ އެއަރޕޯޓް ތަރައްޤީ ކުރުމުގެ މަޝްރޫޢުގެ ދަށުން، ރަންވޭގެ ސަބްގްރޭޑް މަސައްކަތްތަކާއި އޭބީސީ މަސައްކަތްތައް ވަނީ ނިމިފައިކަމަށެވެ. އަދި ޓާރމިނަލް އިމާރާތުގެ ސްޓީލް ސްޓްރަކްޗަރ އެސެމްބްލީ މަސައްކަތްތަކުގެ 81 ޕަސެންޓް ވަނީ ނިމިފައި ކަމަށެވެ.
އެމްޓީސީސީން ބުނީ ރަންވޭގެ މަސައްކަތްތައް މިއަހަރުގެ މެއިމަހަށް ނިންމާނެކަމަށެވެ. އަަދި އެއަރޕޯޓާ ފަރެސްމާތޮޑާ ގުޅާލުމަށްހަދާ ކޯޒްވޭގެ މަސައްކަތްތައް ޖޫންގެ ނިޔަލަށް ނިންމުމަށް މަސައްކަތް ކުރަމުންދާކަމަށެވެ. އެމްޓީސީސީން މިހާރު އަމާޒު ހިފާފައިވަނީ އެއަޕޯޓްގެ ހުރިހާ މަސައްކަތްތައް މިއަހަރުގެ ޖުލައި މަހުގެ 26ގެ ކުރިން ނިންމާ، ސަރުކާރާ ހަވާލުކުރުމަށެވެ.
200 މީޓަރުގެ ރަންވޭއަކާއެކު ތަރައްޤީކުރާ ފަރެސްމާތޮޑާ އެއަރޕޯޓަކީ އެތެރޭގެ އުދުހުންތަކަށް ޚާއްސަކޮށް ތަރައްޤީކުރާ އެއަރޕޯޓެކެވެ. ފަރެސްމާތޮޑަ އެއަރޕޯތް މަޝްރޫޢުއަށް ދަޢުލަތުގެ ބަޖެޓުން 144.8 މިލިއަން ރުފިޔާ ޚަރަދުކުރެއެވެ.
