އިންޑިއާގެ ފިލްމުތަކަށް ޑިސްކޯ ތައާރަފު ކޮށްދިން މިއުޒިކް ކޮމްޕޯޒާ އަލޯކޭޝް ލަހިރީ ނުވަތަ އާންމު ނަމުން ނަމަ ބައްޕީ ލަހިރީ އުމުރުން 69 އަހަރުގައި ރޭ ދަންވަރުގެ ވަގުތެއްގައި މަރުވެއްޖެއެވެ. ކްރިޓިކެއާ ހޮސްޕިޓަލުގައި ކަމަށް ހަބަރު ލިބެއެވެ.
ބައްޕީ ލަހިރީ މަރުވީ ބަލިޙާލަތު ބޮޑުވެގެން ހޮސްޕިޓަލުގައި ފަރުވާދެވޭތާ މަހަކަށްވުރެ ގިނަ ދުވަސް ފަހުންނެވެ. އޭނާ މަރުވީ ނޭވާލުމުގެ ނިޒާމަށް ދިމާވާ ސިއްޙީ މައްސަލައެއްކަމަށްވާ ”އޮބްސްޓްރަކްޓިވް ސްލީޕް އެޕްނޭ”ގެ ސަބަބުންކަމަށް ޚަބަރުތައް ބުނެއެވެ.
1970 އިން ފެށިގެން 90 ގެ އަހަރުތަކުގައިވެސް މިއުޒިކް ޗާޓުތަކުގެ ކުރިން ޖާގަ ހޯދި ގިނަ ލަވަތަކެއް ގެނެސްދިން ބައްޕީ ލަހިރީގެ ފާހަގަ ކޮށްލެވޭ ބައެއް މަސައްކަތްތަކުގެ ތެރޭގައި “ޗަލްތޭ ޗަލްތޭ”، “ޑިސްކޯ ޑާންސާ” އަދި “ޝަރާބީ” ހިމެނެއެވެ.
ލަހިރީގެ މަސައްކަތެއް އެންމެ ފަހުން ފެނުނީ 2020 ވަނަ އަހަރުގެ ފިލްމު “ބާގީ 3” އިންނެވެ. ސްކްރީނުން އެންމެ ފަހުން އޭނާ ފެނުނީ އިންޑިއާގެ މަގުބޫލު ޓީވީ ސީރީޒް “ބިގް ބޮސް 15” އިން، އޭނާގެ ކާފަ ދަރިފުޅުގެ އާ ލަވަ، “ބައްޗާ ޕާޓީ” ޕްރޮމޯޓް ކުރާތީއެވެ.
ބައްޕީ ލަހިރީ މަރުވުމުގެ ހިތާމާގައި އިންޑިޔާގެ ޢާއްމު ރައްޔިތުންނާއި ބޮލީވުޑު ފަންނާނުން އަންނަނީ ބައިވެރިވަމުންނެވެ. ބައްޕީ ލަހިރީއަކީ މިމަހުގެ ތެރޭގައި މަރުވި ބޮޑުވުގެ މަޝްހޫރު ދެވަނަ ލަވަކިޔުންތެރިއާއެވެ. މިމަހުގެ 6ވަނަ ދުވަހު މަޝްހޫރު ލަވަކިއުންތެރިޔާ ލަތާ މަންގޭޝްކަރު ވަނީ މަރުވެފައެވެ.
