އެޑިއުކޭޝަން މިނިސްޓަރ ޑރ. ޢާއިޝަތު ޢަލީ މިއަދު ބ.އަތޮޅު މަދަރުސާއަށް ޒިޔާރަތްކޮށްފިއެވެ.
މިނިސްޓަރ މި ދަތުރު ފުޅުގައި ބ.އަތޮޅު މަދަރުސާއަށް ވަޑައިގެން އެ ސްކޫލް މިހާރު ހިނގަމުންދާ ގޮތާއި، ދިމާވާ ދަތިތައް، އަދި ދަރިވަރުންގެ އުނގެނުން އިތުރަށް ހަރުދަނާ ކުރުމަށް ކުރެވޭނެ ކަންކަމާ ގުޅޭ ގޮތުން މަޝްވަރާ ކުރެއްވިއެވެ.
މީގެއިތުރުން މިއަދު އެ މަދަރުސާގެ ޓީޗަރުންނަށް ކުރިއަށް ދިޔަ ޕްރޮފެޝަނަލް ޑިވެލޮޕްމެންޓް ސެޝަންގައި ބައިވެރިވެ ވަޑައިގެން އެ މަދަރުސާގެ ޓީޗަރުންނާ ބައްދަލު ކުރެއްވިއެވެ.
އަދި އެ މަދަރުސާގެ ބީޓެކް ޕްރެކްޓިކަލް ފިލާވަޅުތައް ކުރިއަށް ގެންދާ ކުލާސްރޫމް ވެސް ބައްލަވާފައިވެއެވެ.
