ކުޅުދުއްފުށި ސިޓީ އަމީނީމަގުގައި ބާރު ސްޕީޑްގައި ދުއްވާފައި ދިއަ ސައިކަލެއް ކޮންޓްރޯލް ނުވެގެންގޮސް ހޮޅި ދަނޑިއެއްގައިޖެހި އެކްސިޑެންޓްވެ އަލިފާން ރޯވެއްޖެއެވެ.
މަންޒަރުދުށް ފަރާތްތަކާ ހަވާލާދީ ކުޅުދުއްފުށީގެ އޮންލައިން ނޫހެއް ކަމަށްވާ “ކޭއޯ” ގައި ބުނެފައިވަނީ މި އެކްސިޑެންޓް ހިނގާފައިވަނީ އަމީނީ މަގުން އުތުރުން ދެކުނަށް ބާރު ސްޕީޑުގައި ދުއްވާފައި ދިޔަ ސައިކަލެއް ކޮންޓްރޯލުނުވެ ގޮސް މަގު މެދުގައި ހުރި ހޮޅިދަނޑިއެއްގައި ޖެހިގެން ކަމަށެވެ.
ކުޅުދުއްފުށީ ރީޖަނަލް ހޮސްޕިޓަލުން ބުނީ އެކްސިޑެންޓްވެފައި ވަނީ 24 އަހަރުގެ ފިރިހެނެއްކަމަށާއި އޭނާ އަށް ސީރިއަސް އަނިޔާތަކެއް ލިބިފައިނުވާ ކަމަށް އެ ހޮސްޕިޓަލުން ބުނެއެވެ.
މި އެކްސިޑެންޓް ހިނގާފައިވަނީ މިއަދު ހެނދުނު 9:36 އެއް ހާއިރު އެވެ.
