ސިވިލް ކޯޓްގެ ޤާޟީ ޙަސަން ފަހީމް އިބްރާހީމްގެ ސުލޫކީ މައްސަލައެއް ތަހުގީގު ކުރަން ޖުޑީޝަލް ސާވިސް ކޮމިޝަން (ޖޭއެސްސީ) އިން ނިންމައިފި އެވެ.
ޖޭއެސްސީން ބުނީ ގާޒީ ފަހީމްއާ ގުޅޭގޮތުން ތަހުގީގު ކުރަނީ ފަނޑިޔާރުގެ މަސްއޫލިއްޔަތު އަދާކުރުމުގައާއި މައްސަލަތައް ބެލުމުގައި ދޭންޖެހޭ ސަމާލުކަން ނުދީ، ފަރުވާކުޑަކޮށްފައިވާ ކަމަށް ބުނެ ހުށަހަޅާފައިވާ މައްސަލައެއް ކަމަށެވެ.
އެގޮތުން ގާޒީ ފަހީމްގެ ސުލޫކީ މައްސަލަ ބަލަން ތަހުގީގު ކޮމިޓީއެއް އެކުލަވާލާފައިވާ ކަމަށް ޖޭއެސްސީން ބުނެ އެވެ.
ގާޒީ ފަހީމްގެ ސުލޫކީ މައްސަލައެއް ތަހުގީގު ކުރަން ޖޭއެސްސީން ފަށާފައިވީ ނަމަވެސް އެ މައްސަލައިގެ ތަފްސީލެއް ޖޭއެސްސީން ހާމަކޮށްފައެއް ނުވެ އެވެ.
