ޓެކާރސް މައިލޯ ޗެމްޕިއަންޝިޕް މޯލްޑިވްސް ކަޕުގެ އަރި އަތޮޅުގެ ޗެމްޕިއަން ކަން އދ. މަހިބަދޫ އިން ހޯދައިފިއެވެ.
މި މުބާރާތުގައި މަހިބަދޫ މިރޭ ނުކުމެފައިވަނީ އއ. އަތޮޅުގެ ޗެމްޕިއަން ބޮޑުފޮޅުދޫއާއި ދެކޮޅަށެވެ. ވާދަވެރި ކުޅުމެއް ފެނިގެން ދިޔަ މި މެޗުގެ ނަތީޖާ ނެރެފައިވަނީ ޕެނަލްޓީ ޖަހައިގެންނެވެ.
މެޗުގެ ފުރަތަމަ ހާފް ނިމެނިކޮށް ލަނޑެއް ޖަހައި މަހިބަދޫ އިން ވަނީ ލީޑް ހޯދާފައެވެ. އެހެންނަމަވެސް ދެވަނަ ހާފް ފެށިގެން މާގިނައިރު ނުވަނީ ބޮޑުފޮޅުދޫ ޓީމުންވެސް ވަނީ ލަނޑެއް ޖަހައި ނަތީޖާ ހަމަހަމަކޮށްފައެވެ. މަހިބަދޫ ޓީމުން އެޓީމުގެ 2 ވަނަ ލަނޑު ޖެހުމާއެކުހެން ބޮޑު ފޮޅުދޫ ޓީމުން ވަނީ އެޓީމުގެ ދެވަނަ ލަނޑުޖަހައި ނަތީޖާ ހަމަހަ ކޮށްފައެވެ. މެޗު ނިމެން 3 މިނެޓަށް ވެފައިވަނިކޮށް ބޮޑުފޮޅުދޫ ޓީމުން އެޓީމުގެ 3 ވަނަ ލަނޑު ޖަހާފައިވާއިރު މަހިބަދޫ ޓީމުން ނަތީޖާ ހަމަހަމަކޮށްފައިވަނީ ފަހު ހާފުގެ އިތުރު ވަގުތުގެ ތެރޭގައެވެ.
މިއާއެކު މެޗުގެ ނަތީޖާ ނެރުނީ ޕެނަލްޓީ ޖަހައިގެން 6-5 ގެ ނަތީޖާއަކުންނެވެ. މެޗުގެ މޮޅު ކުޅުންތެރިއަކަށް ހޮވިފައިވަނީ މަހިބަދޫ ޓީމްގެ ޖޯޒީ ނަމްބަރު 22 އަބްދުﷲ ޔާމީނެވެ.
