ސިއްހީ ކުއްލި ނުރައްކަލުގެ ހާލަތު އުވާލި ފަހުން ހެލްތު ޕްރޮޓެކްޝަންސް އެޖެންސީ (އެޗްޕީއޭ) އިން ކޮވިޑް ގެ އާދަހަމަ އާއްމުކޮށްފި އެވެ.
ސިއްހީ ކުއްލި ނުރައްކަލުގެ ހާލަތު އުވާލެއްވީ މި މަހު 13 ވަނަ ދުވަހުގައެވެ. އެގެ ފަހުން މިމަހުގެ 26ވަނަ ދުވަހާ ހަމައަށް ޖުމްލަ 2342 މީހަކު ކޮވިޑަށް ފައްސިވެފައިވާ ކަމަށް އެޗްޕީއޭގެ ތަފާސްހިސާބުތަކުން ދައްކަ އެވެ.
އެ މުއްދަތުގައި މިހާތަނަށް ކޮވިޑް ބަލީގައި އެކަކު ނިޔާވެފައިވާ ކަމަށް އެޗްޕީއޭގެ ތަފާސްހިސާބުތަކުން ދަައްކައެވެ.
ރާއްޖެ އިން މިހާތަނަށް 176،993 ކޮވިޑް ކޭސް ރިޕޯޓްކޮށްފައިވާއިރު، ކޮވިޑް ބަލީގައި މިހާތަނަށް ރާއްޖެއިން 298 މީހަކު ވަނީ ނިޔާވެފަ އެވެ.
