އއ.ބޮޑުފޮޅުދޫ އާރުބީޖީ ސްޕޯޓްސް ކުލަބުން ރޯދައަށް ތައްޔާރުވުމުގެ ގޮތުން އެކުލަބުގެ މެމްބަރުންނަށް ހާއްސަ މާހެފުމަކާއެކު މިއަހަރުގެ ބައިނަލްއަގްވާމީ އަންހެނުންގެ ދުވަސް ފާހަގަކުރުމަށް އަގުބޮޑު އެތައް ހަދިޔާތަކާއެކު ކުލަގަދަ ރަސްމިއްޔާތެއް އެކުލަބުގެ އިދާރާ ގައި ބާއްވާފިއެވެ.
އެކުލަބުގެ ރައީސް އިބްރާހިމް ނަސީމް ވިދާޅުވީ ކުލަބުގެ ހުރިހާ މެމްބަރުންނަށް ދިން މިމާހެފުމާއެކު މިއަހަރުގެ އަންހެނުންގެ ދުވަސް އެކުލަބުގެ އަންހެން މެމްބަރުންނަށް އެހާ ފަހުން ފާހަގަކޮށްދެވިފައި މިވަނީ އެމެންބަރުންނަށް ސަޕްރައިޒެއް ދިނުމަށް ކަމަށެވެ.
ނަސީމް ވިދާޅުވީ އާރުބީޖީ ސްޕޯރޓްސް ކުލަބަކީ އަބަދުވެސް ތަފާތު ހަރަކާތްތަކެށް ހިންގާ، މެމްބަރުންނަށް ހާއްސަ އިސްކަމެއްދީގެން މަސައްކަތް ކުރަމުން އަންނަ ކުލަބެއްކަމަށެވެ. އަދި ކުލަބު މިދެކޭ ކުރިއެމާއި، ކާމިޔާބީގެ ސިއްރަކީ މެމްބަރުންގެ މެދުގައި އޮންނަ ބަދަހި ގުޅުމާއި، ލީޑަރޝިޕްއިން ގެންގުޅޭ އެކަކުވެސް ބާކީ ނުކުރާ ހަރުދަނާ ސިޔާސަތުކަމަށެވެ. ނަސީމް ވިދާޅުވީ މިކުލަބުގައި ވަކި އުސޫލުތަކެށް ގެންގުޅޭ ކަމަށާއި އާންމު މެމްބަރުން ކުރާނީ ލީޑަރޝިޕް އިން ނިންމާ ކަންކަން ކަމަށެވެ.
” މިފަދަ ދުވަސްތަށް ފާހަގަ ކުރުމަކީ މިކުލަބުން ފެށުނީއްސުރެ ކުރަމުން އަންނަ ކަމެއް، މިއަދު އުފާވަނީ އަޅުގަނޑުމެންގެ ފަރާތުން އެތައް ބަޔަކަށް މިފަދަ ހަރަކާތްތައް ހިންގުމަށް ހިތްވަރު ލިބި އެއުފާވެރި މަންޒަރު ފެންނަމުންދާތީ” ރައީސް އިބްރާހިމް ނަސީމް
އާރުބީޖީ އިން ކުރިއަށް ރޭވިފައިވާ ހަރަކާތްތަކުގެ މައުލޫމާތު ހިއްސާކުރައްވަމުން ނަސީމް ވިދާޅުވީ އާރުބީޖީ އާއި ކައުންސިލް ގުޅިގެން ބަރަކާތްތެރި ރަމަޟާން މަހު ކުރިއަށް ގެންދިޔުމަށް ހަމަޖެހިފައިވާ އާރުބީޖީ އަންނޫރު ގުރުއާން މުބާރާތުގެ އޯޑިޝަން ހުކުރު ދުވަހު ފެށުމަށް ހަމަޖެހިފައިވާ ކަމަށާއި މުބާރާތް ފަށާނީ ރޯދަމަހުގެ ފަހު 10 ގެ ތެރޭގައި މި އޯޑިޝަން އިން ފާސްވާ ބައިވެރިންނާ އެކުގައިކަމަށެވެ.
