“ފެނަކަ އާއިލީ ޤުރުއާން މުބާރާތް 1443” ޒޯން 1 (ށ.އަތޮޅާއި ނ.އަތޮޅު) ގެ ކިޔެވުން މިއަދު ފަށައިފި އެވެ.
ފެނަކަ އިން ބުނީ މި މުބާރާތަކީ ފެނަކަ ރެކްރިއޭޝަން ކުލަބުން އިންތިޒާމް ކޮށްގެން ރަމަޟާންމަހުގައި ބާއްވާ ޤުރުއާން މުބާރާތެއް ކަމަށެވެ. މިއީ މި ގޮތަށް ބާއްވާ ފަސްވަނަ މުބާރާތެވެ. މި މުބާރާތް ފެނަކަ އިން ހިދުމަތް ފޯރުކޮށްދެމުންދާ ހަތަރު ސަރަހައްދެއްގައި ބޭއްވުމަށް ވަނީ ހަމަޖެހިފަ އެވެ.
މި މުބާރާތައް ކަނޑައަޅާފައިވާ އުމުރުފުރާތަކަކީ 6 އަހަރުން ދަށް، 9 އަހަރުން ދަށް، 11 އަހަރުން ދަށް، 13 އަހަރުން ދަށް، 16 އަހަރުން ދަށް، 18 އަހަރުން ދަށް އަދި ފެނަކަ މުވައްޒަފުންނެވެ. މުބާރާތުގައި އޮންނާނީ ބަލައިގެން އަދި ނުބަލައި ކިޔެވުމުގެ ގޮފި އެވެ.
ކޮންމެ އުމުރުފުރާއަކުން ގަދަ ތިނެއް ހޮވުމަށް ހަމަޖެހިފައިވާއިރު މުބާރާތުން އެއްވަނަ އަށް 15،000 ރުފިޔާ، ދެވަނަ އަށް 10،000 ރުފިޔާ އަދި ތިންވަނަ އަށް 5،000 ރުފިޔާ ވަނީ ކަނޑައަޅާފަ އެވެ.
މުުބާރާތް އިންސާފުވެރިކޮށްދީ ފަނޑިޔާރުންގެ ގޮތުގައި ތިބޭނީ އިސްލާމިކް ޔުނިވާރސިޓީގެ ތިން ލެކްޗަރާއިންނެވެ.
މި މުބާރާތް ބޭއްވުމުގެ މަގުސަދުތަކުގެ ތެރޭގައި ހިމެނެނީ ފެނަކަ މުވައްޒަފުންނާއި މުވައްޒަފުންގެ އާއިލާތަކުގެ ހިތްތަކުގައި ކީރިތި ޤުރުއާން ކިޔެވުމުގެ ލޯބިޖައްސައި ޤުރުއާން ކިޔެވުމުގެ ފަންނު ދިރުވާ ޢާލާކޮށް ފެތުރުމުގެ އިތުރުން ފެނަކައިގެ މުވައްޒަފުންގެ އާއިލާތަކުގެ މެދުގައި ގުޅުން ބަދަހި ކުރުމާއި އެ މުވައްޒަފުންގެ މެދުގައި
އެކުވެރިކަން އާލާކުރުމެވެ.
