ފެނަކަ އާއިލީ ހަތް ވަނަ ޤުރުއާން މުބާރާތް ނިންމާލައިފިއެވެ.
ދެހާސް ނަވާރަ ވަނަ އަހަރުން ފެށުގެން ބާއްވަމުން އަން މި މުބާރާތް، މި އަހަރު ރަމަޝާން މަހު ވަނީ ރާއްޖޭގެ އިތުރު ދެ ސަރަހައްދެއްގައި ކުރިއަށް ގެންގޮސްފައެވެ.
މިއަހަރު މި މުބާރާތް ފެށިގެން ދިޔައީ ށ. އަދި ނ. އަތޮޅަށް ހާއްސަ ކޮށްގެން ށ.މިލަންދޫ އިންނެވެ. އަދި ދެން ބޭއްވުނީ ގއ. އަދި ގދ. އަތޮޅަށް ހާއްސަކޮށް ގއ.ވިލިގިނލި ގައެވެ. މި އަހަރަށް މުބާރާތް ނިންމާލުން އޮތީ ރޭ މާލެ ސިޓީގައެވެ.
މި މުބާރާތުގައި ފެނަކަ އާއިލާ އަށް ނިސްބަތްވާ ޖުމްލަ 423 ކުދިން ބައިވެރިވެފައިވާ ކަމަށް ފެނަކައިން މައުލޫމާތުދެއވެެ.
މި މުބާރާތުގައި ކޮންމެ ސަރަހައްދެގައި މުބާރާތުން ގޮފި ތަކުން 1 ވަނަ، 2 ވަނަ އަދި 3 ވަނަ ހޮވާ ސެޓްފިކެޓްއާއި ޓްރޮފީ ދީފައިވެއެވެ. އަދި މުޅި މުބާރާތުން 1 ވަނަ އަށް 15،000 ރުފިޔާ، 2 ވަނަ އަށް 10،000 ރުފިޔާ އަދި 3 ވަނަ އަށް 5000 ރުފިޔާގެ ފައިސާގެ އިނާމް އާއި ޓްރޮފީ ދީފައިވެއެވެ.
މުޅި މުބާރާތުން 1 ވަނަ ހޯދާފައިވަނީ އައިމިނަތު އައިނީ އަހުމަދުއެވެ. އަދި މުޅި މުބާރާތުން 2 ވަނަ އައިޝަތު އީކާ މުޖުތަބާ އަދި މުޅި މުބާރާތުން 3 ވަނަ ހޯދާފައިވަނީ ފާތިމަތު ޝައިފާ މުހައްމަދު ސިޔާމެވެ.
މި މުބާރާތަކީ ކޮންމެ އަހަރަކުވެސް ރާއްޖޭގެ އެކި ސަރަހައްދު ތަކަށް ހުޅުވާލެވިގެން ފެނަކަ މުވައްޒަފުންނާއި އެ މުވައްޒަފުންގެ އާއިލާއަށް ހާއްސަކޮށްގެން ފެނަކައިގެ މެނޭޖިންގް ޑިރެކްޓަރ އަހުމަދު ސައީދު މުހައްމަދުގެ ހާއްސަ އިސްނެންގެވުމަކަށް 2019 ކުންފުނީގެ ރެކްރިއެޝަން ކުލަބުން ބާއްވަން ފެއްޓެވި މުބާރާތެކެވެ.
