ޕީ.ޕީ.އެމް ގެ ރައީސް ބައިވެރިވާ ސިޔާސީ ހަރަކާތް ބާއްވަން ހަނިމާދޫ ކައުންސިލުން ހުއްދައެއް ނުދިން

ހަނިމާދޫ ޚަބަރު ފަހުގެ ސިޔާސީ

ޕީ.ޕީ.އެމް ގެ ރައީސް ބައިވެރިވާ ސިޔާސީ ހަރަކާތް ބާއްވަން އެމްޑީޕީގެ މެޖޯރެޓީ އޮންނަ ހަނިމާދޫ ކައުންސިލުން ހުއްދައެއް ނުދިނެވެ.

ޕީ.ޕީ.އެމް ހަނިމާދޫ ކައުންސިލްގައި އެދިފައިވަނީ އެ ޕާޓީގެ ފަރާތުން ސިލްސިލާ ހަރަކާތުގެ ތެރެއިން 14 މެއި 2022 ވާ ހޮނިހިރު ދުވަހު ހަނިމާދޫ ބަނދަރު ސަރަހައްދުގައި ހަރަކާތެއް ބާއްވަން ހުއްދައަށެވެ. އަދި އެ ހަރަކާތް ކުރިއަށްދާ ސަރަހައްދުގައި ދިދަ އާއި ފޮތި ދެމުގެ ހުއްދަ ދިނުމަށެވެ. މިހަރަކާތުގައި ޕީ.ޕީ.އެމް ގެ ރައީސް އަބްދު ﷲ ޔާމިން ބައިވެރިވެ ވަޑައިގަތުމަށްވެސް ވަނީ ހަމަޖެހިފައެވެ.

އިޝްތިހާރު
އިޝްތިހާރު

އެމްޑީޕީ މެޖޯރިޓީ އޮންނަ ހަނިމާދޫ ކައުންސިލުން މިއަދު ބުނީ އެ ސަރަހައްދު ދެވެން ނެތްކަމަށެވެ. ސަބަބެއްކަމަށް ބުނަނީ އެތަނުގައި ފެރީ ޓާމިނަލް މަސައްކަތް ކުރުމުމާއި މަގުހެދުމުގެ އިތުރުން ހާބަރު މަސައްކަތް ކުރާތީ ކަމަށެވެ.

ނަމަވެސް ތަނުގެ ހަދާމަގު ތާރުއަޅާ އާންމުންނަށް ބޭނުން ކުރަން ހުޅުވާލިތާ އެތަށް މަހެއް ފާއިތުވެއްޖެއެވެ. އެބުނާ ޓާމިނަލްގެ މަސްކަތް ނިމާފައި ހުނަތާ ވެސް ހަމަ އެހާ ދުވަސް ވެދާނެއެވެ. އެހެން ބުނަން މިޖެހެނީ އެތަނުގެ މަސްކަތެއް ކުރާތަން ނުފެނަތާ އެތަށް ދުވަހެއް ވެފައި ވާތީއެވެ.

އެތަންތަނުގެ މަސައްކަތް ކުރަން ހަވާލު ކޮށްފައި ވަނިކޮށް ފައްޔާޒުއަށް މަރުހަބާ ކިޔަށް އެމްޑީޕީ ބޮޑު ހަރަކާތެއް ބޭއްވިކަން ހަނދާން ނެތޭހާ ދުވަހެއް އަދިނުވެއެވެ. އެހެން ކަމަށްވާއިރު އިދިކޮޅު ހަރަކާތެއް ބާއްވަން އެއްދުވަސް ނުވަތަ ދެދުވަސް ނުދެވީ ކީއްވެހެއްޔެވެ.

އިޝްތިހާރު ޖެއްސެވުމަށް ގުޅުއްވާ

ޚިޔާލު ފާޅުކުރައްވާ