މޯލްޑިވްސް މީޑިއާ ކައުންސިލް (އެމްއެމްސީ)ގެ ތިޖޫރީ ފަޅާލައިފި އެވެ.
އެމްއެމްސީން މިއަދު ބުނީ، އެ ކައުންސިލްގެ ތިޖޫރީ ފަޅާލާފައިވަނީ ރޭގެ ވަގުތެއްގައި ކަމަށާއި އެކަން އެނގިފައިވަނީ މިއަދު ހެނދުނު 8:43 ގައި މުވައްޒަފުން އޮފީހަށް ނުކުތުމުން ކަމަށެވެ.
އެމްއެމްސީން ބުނީ، ފަޅާލިއިރު ތިޖޫރީގައި ހުންނާނީ 3612 ރުފިޔާ ކަމަށާއި އެއީ ޕެޓީ ކޭޝްގެ ގޮތުގައި ގެންގުޅޭ ފައިސާކަމަށެވެ. ފައިސާގެ އިތުރުން އެއްވެސް އެއްޗެއް ގެއްލިފައި ނުވާ ކަމަށް އެމްއެމްސީން ބުނެއެވެ.
މި މައްސަލަ މިހާރު ދިވެހި ފުލުހުންނަށް ހުށަހަޅައި ތަހުގީގު ފަށާފައިވާކަމަށް އެމްއެމްސީން މައުލޫމާތުދެއެވެ.
