ރާއްޖޭގައި 2023 ވަނަ އަހަރު އޮންނަ ރިޔާސީ އިންތިޚާބުގައި ރައްޔިތުން މަޖިލީހުގެ ރައީސް މުހައްމަދު ނަޝީދު ވާދަކުރައްވާނެކަން އިއުލާން ކޮށްފިއެވެ.
ރައީސް ނަޝީދު ރިޔާސީ އިންތިޚާބުގައި ވާދަކުރައްވާނެކަން އިއުލާން ކުރެއްވީ އެމަނިކުފާނުގެ ދެބެންދެދަރި ކޮއްކޮ ރައްޔިތުން މަޖިލީހުގެ ނައިބު ރައީސް އީވާ އަބްދުﷲ އެވެ.
އެމްޑީޕީގެ ޗެއާޕާސަން އިންތިޚާބުގައި ވާދަކުރައްވާ އިމްތިޔާޒް ފަހްމީ (އިންތި) އަށް ތާއިދު ހޯދުމަށް ބޭއްވި ކެމްޕޭން ޖަލްސާއެއްގައި އީވާ ވިދާޅުވީ ރިޔާސީ އިންތިޚާބުގައި އެމްޑީޕީން ވާދަކުރާނެ ކެންޑިޑޭޓަކު ހޮވަން ބާއްވާ ޕްރައިމަރީގައި ވެސް ރައީސް ނަޝީދު ވާދަކުރައްވާނެ ކަމަށެވެ.
އީވާ ވިދާޅުވީ 2023 ވަނަ އަހަރު ރާއްޖޭގައި އޮންނަން ބޭނުންވަނީ އެމްޑީޕީގެ ވެރިކަމެކެވެ.
“2023 ގެ އިންތިޚާބަށް އިރާދަކުރެއްވިއްޔާ ރައީސް ނަޝީދު ކުރިމަތިލައްވާނެ. 2023 އިންތިޚާބުގެ އެމްޑީޕީ ޕްރައިމަރީ އަށް ރައީސް ނަޝީދު ކުރިމަތިލައްވާނެ.” އީވާ ވިދާޅުވިއެވެ.
