ހަނިމާދޫ ޑަބްލިޔު.ޑީ.ސީއިން 220056 ރުފިޔާ ހަރަދުކޮށް، 25 ދުވަސްތެރޭ ނިންމަން އަރުތަ އިންވެސްޓްމެންޓާއި ހަވާލު ކުރި ޕިކްނިކް އޭރިއާ މިއަދު ރަސްމީކޮށް ހުޅުވައިފިއެވެ.
ހަނިމާދޫ އުތުރު އަވަށު އަތިރިމަތީގައި ތަރައްޤީކޮށްފައިވާ ޕިކްނިކް އޭރިއާ ރަސްމީކޮށް ހުޅުވާފައި ވަނީ މިއަދުއެވެ. އެ ސަރަހައްދު ރަސްމީކޮށް ހުޅުވައި ދެއްވީ ހަނިމާދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީގެ މެމްބަރުންނެވެ.
އެ ސަރަހައްދު އާއްމުންނަށް ބޭނުން ކުރެވޭގޮތަށް މިއަދުން ފެށިގެން ހުޅުވާލާފައިވާއިރު އެ ސަރަހައްދުގައި ބާބެކިއު ހެދުމަށް ތިން ގްރިލްގެ އިތުރުން މަސްކަނޑާ އައްޓެއް ވެސް ވަނީ ތަރައްޤީ ކޮށްފައެވެ. އަދި މޭޒާއި ގޮނޑި ހިމެނޭހެން ހިޔާކޮށްފައިވާ ދެ ހަޓާއި ހިޔާ ނުކުރާ އެއް ހަޓް އެތަނުގައި ވަނީ ތަރައްޤީ ކޮށްފައެވެ. މީގެ އިތުރުން މޫދަށް އެރި، ލޮނު ފިލުވާލާއި ފެންވަރާލެވޭނެ އިންތިޒާމުގެ އިތުރުން ރޭގަނޑު އެތަން ދިއްލޭ ގޮތަށް ކަރަންޓް ލައި އެތަނުގައި ވަނީ ލައިޓް ހަރުކޮށްފައެވެ. މީގެ އިތުރުން ކެންޓީނެއް ވެސް އެތަނުގައި ތަރައްޤީ ކޮށްފައި ވެއެވެ.
