ހަނިމާދޫ ކައުންސިލުން އިއްޔެ ކޮށްފައިވާ އިއުލާނެއްގައި ބުނެފައި ވަނީ މޯލްޑިވްސް ބިއުރޯ އޮފް ސްޓެޓިސްޓިކްސް އިން ކުރިއަށްގެންދާ ބޯހިމެނުމުގެ މަސައްކަތް 17 ސެޕްޓެމްބަރ 2022 ވަނަދުވަހުން ފެށިގެން ކުރިއަށް ގެންދިޔުމަށް ވަނީ ހަމަޖެހިފައެވެ.
އަދި މި މަސައްކަތުގައި އާބާދީއާއި ދިރިއުޅޭތަންތަނުގެ ތަފާސްހިސާބު ބެލުމަށް، ގޭގެއަށް ޒިޔާރަތް ކުރަމުން ގެންދާއިރު ގޯތިތައް ދެނެގަތުމަށްޓަކައި ގޯތީގެ ނަން ފަސޭހައިން ކިޔަން އެނގޭނެގޮތަށް ޖަހާފައިހުރިކަން ކަށަވަރުކުރަން ޖެހޭކަމަވެސް ކައުންސިލްގެ އިއުލާނުގައިވެއެވެ.
ހަނިމާދޫ ކައުންސިލުން ބުނީ އެހެންކަމުން 31 އޮގަސްޓް 2022 ގެ ނިޔަލަށް ހަނިމާދޫ ހުރިހާ ގެއެއްގައި ނަންބޯޑު ހަރުކުރުމަށް ދަންނަވާ ކަމަށެވެ. އަދި ނަންބޯޑު ހަރުކުރާއިރު، ރަޖިސްޓްރީކޮށްފައިވާ ނަން، އިނގިރޭސި އަދި ދިވެހިބަހުން ޖެހުމަށް ސަމާލުކަން ދޭންވެސް ވަނީ އަންގާފައެވެ.
އަދި ގޯތިދޫކުރުމުގެ އުސޫލުގައިވެސް ގޯތީގެ ނަންބޯޑު ޖެހުމަކީ ލާޒިމް ކޮށްފައިވާ ކަމެއްކަންވެސް ވަނީ ހަދާންކޮށްދީފައެވެ.
