އެމްޑީޕީގެ ޗެއަރޕާސަންކަމަށް ވާދަކުރަށްވާ މާފަންނު އުތުރު ދާއިރާގެ މެންބަރު އިމްތިޔާޒް ފަހުމީ ވޯޓު ލައްވައިފިއެވެ.
އިންތި ވޯޓު ލައްވާފައިވަނީ ހިރިޔާ ސްކޫލްގައި ޤާއިމުކޮށްފައިވާ ވޯޓުލާ މަރުކަޒުގައި ބަހައްޓާފައިވާ ވޯޓު ފޮއްޓަށެވެ. އެއީ މާފަންނު އުތުރު ދާއިރާގެ މެންބަރުންނަށް ޚާއްސަކޮށް ބަހައްޓާފައިވާ ވޯޓު ފޮއްޓެވެ.
މިއަދުގެ އިންތިހާބުގައި އެމްޑީޕީގެ ދަފްތަރުގައިވާ 94،000 ވުރެ ގިނަ މެންބަރުންނަށް ވޯޓް ލުމުގެ ހައްގު ލިބިފައިވެއެވެ. އިންތިޚާބުގެ ވޯޓުލުމަށްޓަކައި ޖުމްލަ 272 ވޯޓް ފޮށި ވަނީ ބަހައްޓާފައެވެ.
އިންތިޚާބުގެ ވޯޓުލުން މިއަދު ހަވީރު 4:00 އާ ހަމައަށް ކުރިޔަށް ދާނެއެވެ.
