އެމްޑީޕީގެ ޗެއަރޕާސަންކަމަށް ވާދަކުރަށްވާ އިކޮނޮމިކް މިނިސްޓަރު ފައްޔާޒް އިސްމާޢީލް ވޯޓު ލައްވައިފިއެވެ
މިނިސްޓަރު ފައްޔާޒް މިއަދު ހެނދުނު ވޯޓު ލައްވާފައިވަނީ ޖަމާލުއްދީން ސްކޫލްގައި ގާއިމުކޮށްފައިވާ ވޯޓު ފޮއްޓަށެވެ.
އިންތިޚާބުގެ ކެމްޕޭން ނިންމަވާލެއްވުމުގެ ގޮތުން މިނިސްޓަރ ފައްޔާޒް ރޭ ވިދާޅުވެފައިވަނީ އެންމެން އެކުވެ ގުޅިގެންތިބެ ކުރިއެރުން ހޯދާ ފިތުނައާ ނަފްރަތުން އެކަހެރިވެ، ދިވެހިރާއްޖެއަށް ހަމަޖެހުމާ ތަރައްގީ ގެނެސްދޭ އާރުކާޓީންނަކީ އެމްޑީޕީ މެންބަރުން ކަމަށެވެ. އެހެންކަމުން އަލުން އާބާރަކާއެކު ޕާޓީގެ ހުރިހާ މެންބަރުން ވޯޓަށް ނުކުތުމަށް ފައްޔާޒްވަނީ ގޮވާލައްވާފައެވެ.
މިއަދުގެ އިންތިހާބުގައި އެމްޑީޕީގެ ދަފްތަރުގައިވާ 94،000 ވުރެ ގިނަ މެންބަރުންނަށް ވޯޓް ލުމުގެ ހައްގު ލިބިފައިވެއެވެ. އިންތިޚާބުގެ ވޯޓުލުމަށްޓަކައި ޖުމްލަ 272 ވޯޓް ފޮށި ވަނީ ބަހައްޓާފައެވެ.
