އެމްޑީޕީގެ ޗެއާޕާސަން ކަމުގެ އިންތިޚާބު އިކޮނަމިކް މިނިސްޓަރ ފައްޔާޒް އިސްމާއިލް ކާމިޔާބު ކުރައްވައިފިއެވެ.
މިއަދުގެ އިންތިހާބަށް 281 ވޯޓް ފޮށި ބަހައްޓާފައިވާއިރު 180 ވޯޓްފޮށީގެ ނަތީޖާ ވަނީ އިއުލާނު ކޮށްފައެވެ. ގިނަ ވޯޓް ފޮށިތަކުން ކުރި ހޯއްދެވީ ފައްޔާޒެވެ. އެ ވޯޓްފޮށިތަކުން ފައްޔާޒް ވަނީ 18،992 ވޯޓް ހޯއްދަވާފައެވެ. އިމްތިޔާޒަށް ލިބިފައިވަނީ 13،065 ވޯޓެވެ.
މިހާތަނަށް ނަތީޖާ ސާފުވި ފޮށިތަކުން ލިބުނު ވޯޓަށް ބަލާއިރު ނަތީޖާ ނުލިބޭ ފޮށިތަކުގެ ނަތީޖާ ކަށަވަރު ކުރެވޭއިރު ވެސް އިންތި އަށް އިންތިޚާބު ކާމިޔާބު ވުމުގެ ފުރުސަތެއް ނެތެވެ.
އެމްޑީޕީގެ އެތެރޭގެ އިންތިހާބުގައި ކުރީން އޮތީ ހަވީރު ހަތަރެއް ޖަހަންދެން ވޯޓްގެ ކަންކަން ކުރިއަށް ގެންދާށެވެ. ނަމަވެސް އިރުއޮއްސި ހައެއް ޖެހުމާ ހަމައަށް ވަގުތު އިތުރު ކުރަން އިންތިހާބާ ބެހޭ ކޮމެޓީން ނިންމީ ވިއްސާރަވުމާއި އަދި ވޯޓުލާ ބައެއް މަރުކަޒުތަކުގައި ވޯޓުލުން ފެށުން ލަސްވުމާއި ގުޅިގެންނެވެ
