ހަނިމާދޫ ކައުންސިލް ރައީސް އަދި ނައިބުރައީސް ނެތްނަމަ ހިންގުމާ ހަވާލުވާނެ ފަރާތަކީ އަލީ އިބްރާހިމް ކަމުގައި އެ ކައުންސިލުން ކަނޑައަޅައިފިއެވެ.
މިގޮތަށް ހަނިމާދޫ ކައުންސިލުން ކަނޑައެޅީ އެ ކައުންސިލްގެ 5 ވަނަ ކުއްލި ބައްދަލުވުމުގައެވެ. މި ބައްދަލުވުން ކުރިއަށް ގެންގޮސްފައިވަނީ މިއަދުއެވެ. މިއަދު ޖަލުސާ ބޭއްވި އިރު ކައުންސިލްގެ ރައީސް ހުންނެވީ އަހަރީ ޗުއްޓީގައެވެ.
މިއަދު ކުއްލި ޖަލުސާގެ އެޖެއްޑާގައި އޮތީ ކައުންސިލް ރައީސް އަދި ނައިބުރައީސް ނެތް ހާލަތެއްގައި ހިންގުން ހަވާލު ކުރުމަށް މެންބަރެއް ކަނޑައެޅުމެވެ.
ރިޔާސަތުން އެޖެއްޑާގައި ވާކަންތައް ހާމަކުރުމުން މެންބަރު ނާޒިޔާ ވަނީ އަލީ އިބުރާހިމްގެ ނަން ހުށައަޅާފައެވެ. އަލީއަށް އެ މަގާމު ހަވާލުކުރީ ޖަލުސާގައި ނެގި ސިއްރު ވޯޓަކުންނެވެ. އެ ވޯޓުގައި ބައިވެރިވި ހުރިހާ މެންބަރުން ވޯޓުލީ އެ މަގާމު އަލީ އަށް ދިނުމަށް ފެންނަކަމަށެވެ.
މިއަދު ކުލި ޖަލުސާއެއް ބާވަން ޖެހުނު ސަބަބެއްކަމަށް ވެފައިވަނީ ރައިސް ޗުއްޓީ ގައި ހުއްޓާ ނައިބުރައިސް އައިލީ ޒިމާއަށް ޗުއްތީއަށް ދާންޖެހުނުއިރުވެސް އެ މަގާމަށް ފަރާތެއް އަށްޔަނު ކޮފައި ނުވާތީއެވެ.
