އދ. ދިގުރަށުގައި ޒަމާނީ ރީތި މިސްކިތެއްގެ ބިންގާ އަޅައިފި އެވެ.
އެކަމަށްޓަކައި އިއްޔެ ބޭއްވި ރަސްމިއްޔާތުގައި މިސްކިތުގެ ބިންގާ އަޅުއްވައި ދެއްވީ އިސްލާމިކް މިނިސްޓަރު ޑރ. އަހުމަދު ޒާހިރު އަލީ އާއި ދިގުރަށު ކައުންސިލްގެ ރައީސް އިބްރާހީމް އުސްމާނެވެ.
އެ ރަސްމިއްޔާތުގައި މިނިސްޓްރީގެ އިސްވެރިންނާއި ކައުންސިލްގެ މެންބަރުން ބައިވެރިވެވަޑައިގެންނެވި އެވެ.
އިސްލާމިކް މިނިސްޓްރީން ބުނި ގޮތުގައި ސަރުކާރުގެ ހަރަދުގައި ދިގުރަށުގައި އިމާރާތްކުރާ 300 މީހުންގެ ޖާގައިގެ މިސްކިތަކީ 7.3 މިލިއަން ރުފިޔާ ހޭދަކޮށްގެން ބިނާކުރާ މިސްކިތެކެވެ. އެ މިސްކިތް އިމާރާތްކުރުމަށް ސޮއިކޮށްފައި ވަނީ މި އަހަރުގެ ފެބްރުއަރީ 6 ގަ އެވެ. އެއީ މަސައްކަތް ފަށާތާ 365 ދުވަހުގެ ތެރޭގައި ނިންމާ ގޮތަށެވެ.
