ށ. ފުނަދޫގައި ބިދޭސީއަކު ދަންޖެހިގެން މަރުވެފައި ހުއްޓާ ފެނިއްޖެއެވެ.
ފުނަދޫގައި ދަންޖެހިގެން މަރުވެފައި ހުއްޓާ ފެނިފައިވަނީ، އެރަށުގައި މަސައްކަތްކުރާ އުމުރުން 27 އަހަރުގެ ބިދޭސީ ފިރިހެނެކެވެ.
އޭނާ ދަންޖެހިފައި ހުއްޓާ ފެނިފައިވަނީ މިއަދު ހެނދުނުގެ ވަގުތެއްގައެވެ. އޭނާއަކީ އެރަށުގައި ހިންގާ ކެފޭއެއްގައި މަސައްކަތްކުރަމުންދިޔަ މީހެއްކެވެ.
ފުލުހުން މިހާރު އެމައްސަލަ ތަހުގީގު ކުރަމުންދާ ކަމަށާއި، މިއަދު ހެނދުނު ދަންޖެހިފައި ހުއްޓާ ފެނުނު މީހާގެ ހަށިގަނޑު މާލެ ފޮނުވުމުގެ މަސައްކަތް ކުރަމުންދާ ކަމަށް މައުލޫމަތު ލިބެއެވެ.
