ކަސްޓަމްސްގެ ބެލުމުގެ ދަށުގައި ހުރި ގިނަ އަދަދެއްގެ ބަނގުރާ ފުޅި ނައްތާލައިފި އެވެ.
ކަސްޓަމްސް އިން ނައްތާލާފައިވަނީ ބަނގުރާ 50 ފުޅި އާއި ބަނގުރާ އެކުލެވޭ ބިޔަރު 13،471 ފުޅި އާއި ބަނގުރާ އެކުލެވޭ 137 ބިޔަރު ދަޅުގެ އިތުރުން ޓޮނިކް 7،424 ފުޅި އެވެ.
ކަސްޓަމްސް އިން އެ ތަކެތި ނައްތާލީ ތިލަފުށީގައި ހުންނަ ކުނި ނައްތާލާ ސަރަހައްދުގަ އެވެ.
އެކިއެކި ސަބަބުތަކާ ހުރެ ކަސްޓަމްސްގައި ހިފެހެއްޓިފައި ހުންނަ ތަކެތި ކަނޑައެޅިފައިވާ އުސޫލުގެ ދަށުން ނައްތާލެވިދާނެ ކަމަށް ކަސްޓަމްސްގެ އާންމު ގަވާއިދުގައި ބުނެފައިވެ އެވެ.
