އަސާސީ ހިދުމަތްތައް “މޮނޮޕޮއިލްޒް” ވެފައި އޮތުމަކީ ރައްޔިތުންނަށް ހައްގު މިންވަރެއް ނޫން ކަމަށް މާލޭގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެ އެވެ.
މުއިއްޒު މިހެން ވިދާޅުވީ މާލޭގެ ބޮޑު ބަޔަކުން މިއަދު ކަރަންޓްގެ ހިދުމަތް މެދުކެނޑުމާ ގުޅިގެން ބައެއް މީހުންގެ ފާޑުކިޔުން ސްޓެލްކޯ އަށް އަމާޒުވި ވަގުތު ކުރެއްވި ޓްވީޓެއްގަ އެވެ.
ލާމަރުކަޒީ ގާނޫނުގެ 10 ވަނަ ބާބު “އާންމު ހިދުމަތްތައް” ބަޔާންކޮށްފައިވާ މާއްދާތައް ފެންނަ ފޮޓޯއަކާ އެކު ކުރެއްވި ޓްވީޓުގައި މުއިއްޒު ވިދާޅުވީ ލާމަރުކަޒީ ގާނޫނުގައި ބަޔާންކޮށްފައިވާ ގޮތަށް މާލޭގައި ކަރަންޓާއި ފެނާއި ނަރުދަމާގެ ހިދުމަތް ދޭނެ ދެވަނަ ފަރާތެއް އޮތުމަކީ މުހިއްމު ކަމެއް ކަމުގައި ދެކޭ ކަމަށެވެ.
މުއިއްޒު އިތުރަށް ވިދާޅުވީ “މޮނޮޕޮލައިޒް” ކުރެވޭ ގޮތަށް އަސާސީ ހިދުމަތް ދިނުމަކީ ރައްޔިތުންނަށް ހައްގު މިންވަރެއް ނޫން ކަމަށެވެ. އަދި އެއީ އިންސާފެއްވެސް ނޫން ކަމުގައި ވިދާޅުވި އެވެ.
