ރައްޔިތުންގެ މަޖިލީހުގެ ރައީސް އަދި ކުރީގެ ރައީސް މުހައްމަދު ނަޝީދަށް އަމާޒުކޮށް ދިން ބޮމުގެ ހަމަލާގެ ޝަރީއަތްތައް އޮބްޒާވް ކުރުމުގެ ފުރުސަތު އެމަނިކުފާނުގެ ވަކީލުންނަށް ހަމަޖައްސައިދީފިއެވެ.
ރައީސް ނަޝީދަށް ދިން ޓެރަރިސްޓް ހަމަލާއާ ގުޅިގެން ކުރިއަށްދާ ޝަރީއަތްތައް އޮބްޒާވް ކުރުމުގެ ފުރުސަތަށް އެދި އެމަނިކުފާނުގެ ވަކީލުން ކްރިމިނަލް ކޯޓުގައި އެދިފައިވަނީ މޭ 26 ވަނަ ދުވަހުއެވެ.
ރައީސް ނަޝީދުގެ ފަރާތްޕުޅުން އެދިފައިވަނީ އެމަނިކުފާނުގެ ހަތަރު ވަކީލަކަށް އެ ފުރުސަތު ފަހިކޮށްދިނުމަށެވެ.
އެކަމާ ގުޅިގެން ރައިސް ނަޝީދުގެ ކޮށްކޯފުޅު އަދި ވަކީލުންގެ ތެރޭގައި ހިމެނޭ ނާޒިމް ސައްތާރް ކުރެއްވި ޓްވީޓެއްގައިވަނީ ކްރިމިނަލް ކޯޓުން އެފުރުސަތު ފަހިކޮށްދިފައިވާކަން ހާމަކުރައްވާފައެވެ.
ރައީސް ނަޝީދު އަވަހާރަކޮށްލުމަށް ދިން ބޮމުގެ ހަމަލާގައި ދައުވާއުފުލި މީހުންގެ ތެރެއިން މިހާތަނަށް ކުށް ސާބިތުވެފައިވަނީ އެ ކުށަށް އިއުތިރާފްވި އަހުމަދު އަދުހަމް އެކަންޏެވެ.
މިމައްސަލައާ ގުޅިގެން ހައްޔަރުކޮށް ދައުވާ އުފުލި މީހުންގެ ތެރޭގައި ތަހްނީމް އަހުމަދު، މުޖާޒު އަހުމަދު، އިސްހާގު، ފަހުމީ އަލީ، އަލީ ހައިޝަމް، މުހައްމަދު ތަސްލީމު، އަބްދުالله އަލީ މަނިކު، މުހައްމަދު ނާޒިމް، ހަސަން ޔާސީން އަދި މުހައްމަދު ޒޫމަލް ޒަރީރެވެ.
