އެސްޓީއޯއިން “ރަސެލް ހޮބްސް” ބްރޭންޑުގެ އުފެއްދުންތައް ރާއްޖޭގެ ބާޒާރަށް ނެރެފިއެވެ.
ރަސެލް ހޮބްސް ބްރޭންޑު ރަސްމީކޮށް ރާއްޖޭގެ ބާޒާރަށް ލޯންޗުކޮށްދެއްވީ، ހުޅުމާލޭ ސެންޓްރަލް ޕާކުގައި ކުރިއަށްދާ “ފުޑް އެންޑް ބެވަރޭޖްގެ ޝޯ”ގެ އެސްޓީއޯ ސްޓޯލަށް ކުރެއްވި ޒިޔާރަތުގައި ނައިބު ރައީސް ފައިސަލް ނަސީމެވެ.
ރަސެލް ހޮބްސް ބްރޭންޑުގެ އުފެއްދުންތަކުގެ ތެރޭގައި، ރައިސް ކުކާ އާއި، ސްލޯ ކުކާ، ސްޓީމަރ، އެއަރ ފްރައަރ، އަވަން، ޓޯސްޓަރ ހިމެނެއެވެ.
ރަސެލް ހޮބްސް ބްރޭންޑުގެ ރާއްޖޭގެ އެކްސްކުލޫސިވް ޑިސްޓްރިބިއުޓަރ އަކީ އެސްޓީއޯއެވެ. ރާއްޖެއަށް މި ބުރޭންޑު ލޯންޗުކޮށް، އެސްޓީއޯއިން ވަނީ ހާއްސަ ޕްރޮމޯޝަނެއްވެސް ފަށާފައެވެ. އެގޮތުން މި މިމަހުގެ 10 ވަނަ ދުވަހާ ހަމައަށް ރަސެލް ހޮބްސްގެ އުފެއްދުންތަކަށް 10 ޕަސަންޓު ޑިސްކައުޓު ލިބޭނެ ކަމަށް އެސްޓީއޯއިން ހާމަކުރެއެވެ.
އިނގިރޭސިވިލާތުގެ ބުރޭންޑެއް ކަމުގައިވާ ރަސެލް ހޮބްސްއަކީ ބަދިގޭ ސާމާނާއި ގޭތެރޭގައި ހިފާ ގެންގުޅޭ ސާމާނު އުފެއްދުމުގައި 70 އަހަރުގެ ތަޖުރިބާ ހުރި ކުންފުންޏެކެވެ.
