އިމާރާތް ކުރުމުގައި އުފެދޭ ކުނި އުކާލާ ވަގުތުތަކަށް ވެމްކޯއިން ބަދަލު ގެނެސްފިއެވެ.
ވެމްކޯއިން ކުރި އިއުލާނެއްގައި ވަނީ، އިމާރާތް ކުރުމުގެ މަސައްކަތް ކުރާ ތަންތަަނުގައި އުފެދޭ ވެއްޔާއި، ގާ ކުނޑިއާއި، ގަލާއި، ލަކުޑި އަދި ބޮޑެތި ކުނި އުކާލާ ވަގުތުތައް ބަދަލުކުރަން ނިންމާފައިވާ ކަމަށެވެ.
ވެމްކޯއިން ބުނީ މި ބަދަލާއި އެކު ކުނި އުކާލެވޭނީ ކޮންމެ ހެނދުނު 9:00 އިން ފެށިގެން ރޭގަނޑު 9:00 އާ ދެމެދު ކަމަށެވެ.
މި ބަދަލު ގެނަައުމަށް ހަމަޖެހިފައި ވަނީ މިމަަހުގެ 11 ވަނަ ދުވަހުން ފެށިގެން ކަމަށް ވެމްކޯއިން ވަނީ ހާމަކޮށްފައެވެ.
ބަދަލާ ގުޅޭގޮތުން އިތުރު މައުލޫމާތު ހޯދަން ވެމްކޯގެ ހޮޓްލައިން 1666 އަށް ގުޅުމަށް އެ ކުންފުނިން އެދެއެވެ.
