ޖަޕާނުގައި މަތީ ތައުލީމު ހާސިލްކުރަން ރާއްޖެއަށް ދޭން ނިންމާފައިވާ ސްކޮލަޝިޕްތަކުގެ އެއްބަސްވުމުގައި މިއަދު ސޮއިކޮށްފި އެވެ.
މި އެއްބަސް ވުމުގައި ސޮއި ކޮށްފައިވަނީ ޖަޕާނުން ރާއްޖެއަށް ކަނޑައަޅާފައިވާ ސަފީރު ޓަކެއުޗީ މިޑޯރީ އަދި ފޮރިން މިނިސްޓްރީގެ ސްޓޭޓް މިނިސްޓަރު އަހުމަދު ހަލީލް އެވެ. މި އެއްބަސްވުމުގައި ސޮއި ކުރުމުގެ ހަފްލާ ބާއްވާފައިވަނީ މިނިސްޓްރީ އޮފް ފޮރިން މިނިސްޓްރީގަ އެވެ.
މި އެއްބަސް ވުމުގެ ދަށުން ރާއްޖެއަށް 117 މިލިއަން ޔެންގެ ހިލޭ ލިބޭނެ އެވެ. އެގޮތުން ހަ ފަރާތަކަށް ޖަޕާންގެ އެންމެ ފެންވަރު ރަނގަޅު ޔުނިވާސިޓީ ތަކުން މާސްޓާސް ޑިގްރީ އާއި ހަމައަށް އެއްކޮށް ކިޔެވުމަށް ސްކޮލާޝިޕް ދޭނެ އެވެ.
މި ޕްރޮގްރާމް ފާއިތުވި ދެ އަހަރުވެސް ކުރިއަށް ގެންގޮސްްފައި ވެއެވެ. އަދި މިއަހަރު ވެސް އިތުރު ހަ ފަރާތަކަށް މި ފުރުސަތު ހުޅުވާލާނެ އެވެ.
ޖަޕާނަކީ ރާއްޖެއަށް އެކި ދާއިރާތަކަށް އެހީތެރިކަން ފޯރުކޮށްދެމުން އަންނަ ގައުމެކެވެ.
