ހަނިމާދޫ ޒުވާނުންގެ ޖަމިއްޔާއާއި އެންލައިޓިން އަ މައިންޑްފުލް ކޮމިއުނިޓީ (އީ.އެމް.ސީ) ގުޅިގެން އަމިއްލަ ނަފްސަށް އިތުބާރު ކުރުން ނަމުގައި ވޯކްސޮޕެއް ބާއްވައިފިއެވެ.
މި ހަރަކާތަކީ ދަ އޭޝިއާ ފައުންޑޭޝަން – މޯލްޑިވްސް ސީއެސްއޯ ސްޓްރެންތްނިންގ ޕްރޮޖެކްޓްގެ ދަށުން ހަނިމާދޫގައި ހިންގުނު ދެވަނަ ހަރަކާތެވެ. އަދި މި ހަރަކާތުގެ 4 ޕޮރޮގުރާމް ކުރިއަށް ގެންދަން ހަމަޖެހިފައި ވާކަމަވެސް އެ ޖަމްޢިއްޔާއިން ބުނެއެވެ.
ހަނިމާދޫ ޒުވާނުންގެ ޖަމިއްޔާއިން ބުނީ މިއަދު ކުރިއަށް ގެންދިޔަ ހަރަކާތުގައި ސެޝަން ނަގައިދެއްވީ އެންލައިޓިން އަ މައިންޑްފުލް ކޮމިއުނިޓީ (އީ.އެމް.ސީ)ގެ ފަރާތުން ސަމާ އިބުރާހިމް ދީދީ އާއި އައިމިނަތު ރީމާ ރަސީދު ކަމަށެވެ.
މިއަދުގެ ހަރަކާތުގައި 20 އަންހެން ބައިވެރިން އަދި 5 ފިރިހެން ބައިވެރިވެފައިވާއިރު، ބައިވެރިން ބައިވެރިވެފައިވަނީ ހަނިމާދޫ ސިއްހީމަރުކަޒުންނާއި ސްކޫލް އަދި ޑަބްލިޔު.ޑީ.ސީ އިންނެވެ.
