2020 ޖޫން 26 ވަނަދުވަހު ހަނިމާދޫގައި ކޮންޓްރަކްޝަން މަސައްކަތުގައި ފާހަގަކޮށްލެވޭ މަސައްކަތްތަކެއް ކުރަމުން އަންނަ ބީތްރީ ކޮންޓްރަކްޝަން ކޮމްޕެނީގެ ޕްރައިވެޓް ލިމިޓެޑްގެ ފަރާތުން ހަނިމާދޫގައި ހިދުމަތްދޭންފެށި ބްރޭކް ޓައިމް ހިދުމަތަށް ދެއަހަރު ފުރުން ފާހަގަ ކޮށްފިއެވެ.
ރޭ ބްރޭކް ޓައިމްގައި މިކަން ފާހަގަ ކުރުމަށް ވަނީ ޑިނާއެއް ބާއްވާފައެވެ. މި ޑިނާގައި ބީތްރީ ކޮންޓްރަކްޝަން ކޮމްޕެނީ ޕްރައިވެޓް ލިމިޓެޑްގެ ހަތަރު ހިއްސާދާރުން ވަނީ ބައިވެރިވެފައެވެ. އަދި ދުވަހާއި ގުޅުވާ ކޭކު ފެޅުންވެސް ކުރިއަށް ދިޔައެވެ.
މިވަގުތު 12 މު ައްޒަފުންނާއެކު ހިދުމަތް ދޭ ބްރޭކް ޓައިމް ގައި ގިނައީ ދިވެހި މުވައްޒަފުނެވެ. އެއްފަހަރާ 152 މީހުންނަށް ޚިދުމަތް ފޯރުކޮށްދެވޭހާ ޖާގައިގެ ގޮތުން ތަނަވަސް މި ކެފޭއިން ކޮފީގެ ގިނަ ބާވަތްތަކެއް ލިބެން ހުރެއެވެ. މިތަނުން ލިބެން ހުންނަ ކޮފީތަކުގެ ތެރޭގައި ލަވާޒާ ބުލެކް، ލަވާޒާ މިލްކް، އިލީ ބުލެކް، އިލީ މިލްކު، އެކްސްޕްރެއްސޯ، ލާޓޭ، ނެސްކެފޭ ބުލެކް، ނެސްކެފޭ، މިލްކު ފަދަ ކޮފީތައް ހިމެނެއެވެ. މީގެއިތުރުން އާންމުކޮށް ރެސްޓޯރެންޓުތަކުން ލިބެން ހުންނަ ހުރިހާ ބާވަތްތަކުގެ ކެއުންތަކާއި، ޕޮޕްކޯނާއި އައިސްކްރީމްގެ ވައްތަރުތަކާއި، ގިނަ ބާވަތްތަކެއްގެ ފުރެޝް ޖޫސްތައް ވެސް މިތަނުން ލިބެން ހުރެއެވެ.
މީގެ އިތުރުން އެއްފަހަރާ 24 މީހުންނަށް ވީއައިޕީގެ ޚިދުމަތް ފޯރުކޮށްދެވޭ ވަރުގެ ވީއައިޕީ އެރިޔާއެއްވެސް ގާއިމްކޮފައި ހުރެއެވެ.
ބްރޭކް ޓައިމްއިން ކައިވެނީގެ ހަފްލާތަކާއި، އެކިކަހަލަ ބައްދަލުވުންތަކާއި، އާއިލީ ކެއުންތައްފަދަ ހަރަކާތްތައް ވެސް ފަސޭހަކަމާއެކު ކުރިއަށް ގެންދެވޭނޭ އިންތިޒާމް އަތްފޯރާ އަގުގައި ފޯރުކޮށްދެއެވެ.
ކޮންމެ ދުވަހަކު ވެސް ހެނދުނު 7:30 އިން ފެށިގެން ރޭގަނޑު 01:00 އަށް ހުޅުވިފައި ހުންނަ ބްރޭކް ޓައިމް ހުންނަނީ ހަނިމާދޫ ކާނޭޝަން މަގުގައި، ހަނިމާދޫގެ ރަސްމީ ކުޅިވަރުބިމުގައި ހިނގާ ހަރަކާތްތައް ކެފޭގައި ތިބެގެން ބަލައިލެވޭނޭ ފަދަ ހިތްގައިމު ސަރަހައްދެއްގައެވެ.
ބީތްރީ ކޮންޓްރަކްޝަން ކޮމްޕެނީ ޕްރައިވެޓް ލިމިޓެޑް އަކީ 07 އޮކްޓޯބަރ 2008 ވަނަ އަހަރު ރަޖިސްޓަރީ ކުރެވި ހަނިމާދޫގެ ގެދޮރު އިމާރާތް ކުރުމުގެ ދާއިރާގައި މަސައްކަތް ކުރަމުންދާ ކުންފުންޏެކެވެ.
