ބޮޑު އީދަށް ބޭންކުތައް ބަންދުވާތީ މުހިންމު މުއާމަލާތްތައް މި ހަފުތާގައި ނިންމަން ބީއެމްއެލް އިން މިއަދު އެދެފި އެވެ.
މަރުކަޒީ ބޭންކް، އެމްއެމްއޭ އިން ނިންމަވާފައިވާ ގޮތަށް އީދު ބަންދާ ގުޅިގެން މި މަހުގެ 10-14 އަށް ބޭންކު ބަންދުވާނެ އެވެ. އެހެންވެ، މުހިންމު ބޭންކިންގެ ހިދުމަތްތައް މި ހަފްތާގައި ހޯދައި ނިންމުމަށް ބީއެމްއެލް އިން ވަނީ އެދިފަ އެވެ.
އީދު ބަންދަށް ފަހު ދެން ބޭންކު ހުޅުވޭނީ މި މަހުގެ 17 ވާ އާދިއްތަ ދުވަހު އެވެ.
އެ މުއްދަތުގައިވެސް ރާއްޖޭގެ އެކި ކަންކޮޅުތަކުގައި ގާއިމުކޮށްފައިވާ ސެލްފް ސާވިސް ބޭންކިން ސެންޓަރުތަކުން، ފައިސާ ޖަމާކުރުމާއި ފައިސާ ނެގުމުގެ އިތުރުން ޓްރާންފަރ ކުރުމުގެ ހިދުމަތް ކޮންމެ ދުވަހަކު 24 ގަޑިއިރު ލިބެމުންދާނެކަން ބޭންކުން ފާހަގަކުރެއެެވެ. އަދި ދުވަހުގެ ބޭންކިން ބޭނުންތަކަށް އިންޓަނެޓް ބޭންކިން އާއި ބޭންކުގެ މޯބައިލް އެޕް ހިޔާރުކުރުމަށް ބޭންކުން ހިތްވަރު ދެއެވެ.
