ހަނިމާދޫ ކައުންސިލުން ރޭގައި ބާވަން އުޅުނު ބައްދަލުވުމަށް ރައްޔިތުން ނައުމުން ބައްދަލުވުން ނުބޭވުނެވެ.
ހަނިމާދޫ ކައުންސިލުން 4 ޖޫން 2022ގައި ކުރި އިއުލާނުގައި ވަނީ ހަނިމާދޫ ކައުންސިލުން ރައްޔިތުންނާއި ބައްދަލުކުރުމަށްޓަކައި ބާއްވާ ބައްދަލުވުން 6 ޖުލައި 2022 ވާ ބުދަ ދުވަހުގެ ރޭގަނޑު 21:00 ގައި އިޖުތިމާއީ މަރުކަޒުގައި އޮންނާނެކަމަށެވެ.
މިއުލާން އާއްމުކޮށްފައިވަނީ ސަރުކާރުގެ ގެޒެޓު އަދި ކައުންސިލުގެ ސައިޓުގެ އިތުރުން ކައުންސިލުގެ ފޭސްބުކް ޕޭޖުގައެވެ.
ބައްދަލުވުމަށް އިއުލާން ކުރިއިރު އެ ބައްދަލުވުމަކީ ކޮން ކަމަކާ ގުޅޭގޮތުން ބާއްވާ ބައްދަލުވުމެއްކަން އެއިއުލާނުގައި ބުނެފައެއްނުވެއެވެ.
މައުލޫމަތު ލިބިފައިވާގޮތުން އިއްޔެ ރެޔަށް ތާވަލުކުރި ބައްދަލުވުމަކީ ފާއިތުވެދިޔަ 6 މަސް ދުވަހުގެ ރިޕޯޓް ހާމަކުރުމަށް ބާވަން އުޅުނު ބައްދަލުވުމެކެވެ.
