ހަނިމާދޫގައި މިއަހަރުގެ އަޟްޙާ ޢީދު ނަމާދު ކުރާނީ ބޮޑު ޖަމާޢަތުގައި ކަމަށް ހަނިމާދޫ ކައުންސިލުން ހާމަކޮށްފިއެވެ.
ހަނިމާދޫ ކައުންސިލުން މިއަދު ބުނީ މި އަހަރުގެ އަޟްޙާ ޢީދު ނަމާދުކުރާނީ ބޮޑު ޖަމާޢަތުގައި ހަނިމާދޫ ރަސްމީ ފުޓްބޯޅަ ދަނޑުގައި ކަމަށެވެ.
ޢީދު ނަމާދަށް ދާއިރު ގެއިން ވުޟޫކޮށްގެން ދިއުމަށާއި އަމިއްލަ މުސައްލައަކާއި އަމިއްލަ ފެންފުޅިއެއް ގެންދިއުމަށް އެދެވިގެންވެއެވެ.
އަދި ބޮޑު ޖަމާޢަތުގައި ޢީދު ނަމާދުކުރުމަށް ނިންމިނަމަވެސް މޫސުން ތަން ނުދޭނަމަ ޢީދު ނަމާދު ކުރުން އޮންނާނީ ހަނިމާދޫގައި ފިރިހެނުން ނަމާދު ކުރާ 3 މިސްކިތްތަކުގައި ކަމަށްވެސް ހަނިމާދޫ ކައުންސިލުން މަޢުލޫމާތުދެއެވެ.
މިއަހަރުގެ އަޟްޙާ ޢީދު ދުވަހަކީ 9 ޖުލައި ވާ ހޮނިހިރު ދުވަހެވެ.
