ވަނަ އަހަރުގެ ދިރާސީ އަހަރަށް ސްކޫލްތަކަށް ބޭނުންވާ ބިދޭސީ ޓީޗަރުންގެ ފުރަތަމަ ބެޗް ރާއްޖެ އަތުވެއްޖެއެވެ. މި ޓީޗަރުންނަށް އެޑިއުކޭޝަން މިނިސްޓްރީގެ ފަރާތުން އެއަރޕޯޓުންވަނީ ހޫނު މަރުހަބާއެއް ކިޔާފައެވެ.
ކުރިއަށް އޮތް ދިރާސީ އަހަރަށް ސްކޫލްތަކަށް ބޭނުންވާ ބިދޭސީ ޓީޗަރުންގެ ފުރަތަމަ ބެޗްގައި އައީ 5 ޓީޗަރުންނެވެ.
ދިރާސީ އައު އަހަރުގެ ކިޔެވުން ފެށޭއިރު ރާއްޖޭގައި މަސައްކަތްކުރާ ބިދޭސީ ޓީޗަރުންގެ ޢަދަދު ވަރަށް ބޮޑަށް މަދުވާނެކަމަށް އެޑިއުކޭޝަން މިނިސްޓްރީން ވަނީ މީގެ ކުރިން ވިދާޅުވެފައެވެ. އަދި މިބަދަލު ގުޅިފައިވަނީ ސަރުކާރުން މިދާއިރާގެ މުސާރައަށް ގެނައި ހެޔޮބަދަލާއި އެކު ކަމަށް އެމިނިސްޓްރީން ބުނެއެވެ.
ކުރިއަށް އޮތް ދިރާސީ އަހަރުގެ ކިޔެވުން ފެށުމަށް ހަމަޖެހިފައިވަނީ އޯގަސްޓް މަހުގެ 7 ވަނަ ދުވަހުއެވެ. އެ އަހަރުގެ ފުރަތަމަ ޓާރމްގެ ކިޔެވުން ނިމޭނީ ޑިސެންބަރު މަހުގެ 22 ވަނަ ދުވަހުއެވެ. އަދި ދެވަނަ ޓަރމްގެ ކިޔެވުން އަންނަ އަހަރުގެ ޖެނުއަރީ މަހުގެ 8 ވަނަ ދުވަހު ފަށާއިރު ދެވަނަ ޓާމްގެ ކިޔެވުން ނިމޭނީ ޖޫންމަހުގެ 22 ވަނަ ދުވަހުއެވެ.
