ލަންކާގެ ރައީސް ގޯޓަބަޔާ ރާޖަޕަކްސަ ދަތުރުކުރެއްވި އަސްކަރީ މަތިންދާބޯޓު ރާއްޖެއަށް ޖައްސަން ހުއްދަ ހޯއްދަވައިދެއްވީ ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދުކަމަށް ސީއެންއެން އިން ރިޕޯޓުކޮށްފިއެވެ.
“ސީއެންއެން”އިން ރިޕޯޓުކުރި ގޮތުގައި ގޯޓަބަޔާ އަދި އޭނާގެ އާއިލާ ދަތުރުކުރެއްވި އަސްކަރީ މަތިންދާބޯޓު ރާއްޖޭގައި ޖެއްސުމުގެ ހުއްދަ އެންމެ ފުރަތަމަ ރާއްޖޭގެ އެއާ ޓްރެފިކް ކޮންޓުރޯލުން ނުދިނެވެ. އެ ނޫހުން އޮފިޝަލަކާ ހަވާލާދީ ބުނެފައިވަނީ ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވަންނަވައި ހުއްދަ ހޯއްދެވި ކަމަށްވެއެވެ.
“ސީއެންއެން”އިން ރައީސް ނަޝީދުގެ ބަސްފުޅެއް ހޯދުމަށް މަސައްކަތްކުރި ނަމަވެސް އެމަނިކުފާނުގެ ބަސްފުޅެއް ލިބިފައިނުވާކަމަށް އެ ނޫހުން ބުންޏެވެ.
