ހއ. ހޯރަފުށި މަގުހެދުމުގެ މަސައްކަތް ކުރިއަށްދާކަން ހާމަކޮށްފިއެވެ.
އެ މަސައްކަތް ކުރަމުން އަންނަ އެމްޓީސީސީން ބުނެފައިވަނީ ހއ. ހޯރަފުށި މަގުހެދުމުގެ މަޝްރޫއުގެ ދަށުން، ސަބްބޭސް މަސައްކަތްތައް 13 ޖުލައި 2022 ވަނަ ދުވަހު ފަށާފައިވާ ކަމަށެވެ. އަދި އޭބީސީއާއި އެސްފޯލްޓު މެޓީރިއަލްސް ޕްރޮޖެކްޓް ސައިޓަށް ގެންދެވިފައިވާ ކަމަށްވެސް އެމްޓީސީސީން ބުނެފައިވެއެވެ.
މި މަޝްރޫޢުގެ ދަށުން، 5.3 ކިލޯމީޓަރު ދިގު މިނުގެ 11 މަގެއް ހެދުމާއި، 25،909 އަކަ މީޓަރުގެ ދުއްވާ ސަރަޙައްދެއް ޤާއިމު ކުރުމާއި، 11،114 އަކަ މީޓަރުގެ ޕޭވްމަންޓް ހެދުމާއި، ފެންހިންދާ ނިޒާމެއް ޤާއިމުކުރުމާއި، މަގުބައްތި ހަރުކުރުމާއި މަގުމަތީ ނިޝާން ހަރުކުރުމުގެ މަސައްކަތް ހިމެނެއެވެ.
ހއ. ހޯރަފުށި މަގުހެދުމުގެ މަޝްރޫއަކީ 71.9 މިލިއަން ރުފިޔާގެ މަޝްރޫއެކެވެ.
