ޅައިމަގު ކައުންސިލްގެ ފަގީރާ ފުޓްސަލް ޗެލެންޖު 2022 މިމަހު 22 ވަނަ ފެށުމަށް އެ ކައުންސިލުން ތައްޔާރު ވެއްޖެއެވެ.
މި މުބާރާތުގައި ޖުމްލަ 7 ޓީމަކުން ވަނީ ބައިވެރިވެފައެވެ. އެއީ މުޑަހަދި އެފްސީ، އަރާދުވާ، ޅިޔަނު އެފްސީ، ޓީމް ޖަޒީރާ، ވޮލްވްސް އެސް.ސީ، މިނިއަންސްގެ އިތުރުން އެފް.ސީ ވައިލެޓް ސްޓާއެވެ.
މިމުބާރާތް ކުޅެން ހަމަޖެހިފައިވަނީ ކޮންމެ ޓީމެއް ކޮންމެ ޓީމަކާއި ވާދަކޮށް ޕޮއިންޓު ތާވަލުގެ އެއްވަނަ ދެވަނަ ފައިނަލް ކުޅޭ ގޮތަށެވެ. މިއީ ޅައިމަގު ކައުންސިލްގެ 4 ވަނަ ފުޓްސަލް މުބާރާތެވެ.
މި މުބާރާތުގެ ހުރިހާ މެޗެއް ލައިމަގު އޮންލައި ފޭސްބުކް ޕޭޖުން ލައިވް ކުރުމަށްވަނީ ހަމަޖެހިފައި ކަމަށްވެސް ކައުންސިލުން ވަނީ މައުލޫމާތު ދީފައެވެ. އަދި މި މުބާރާތުގެ މިޑިޔާ ޕާޓުނަރަކީވެސް ޅައިމަގު އޮންލައިނެވެ.
ފޮޓޯ: ޅައިމަގު އޮންލައި
