މިއަހަރުގެ މިނިވަންދުވަހާ ގުޅިގެން މި މަހުގެ 24 އަދި 25 ސަރުކާރު ބަންދު ކުރާ ގޮތަށް ހަމަޖެހިފައި ނުވާ ކަމަށް ސަރުކާރުން ބުނެފި އެވެ.
ރައީސް އޮފީހުން މިއަދު ބުނީ، މި އަހަރުގެ މިނިވަން ދުވަހާ ގުޅިގެން، ކުރިންވެސް ހަމަޖައްސަވާފައިވާ ގޮތުގެ މަތިން ސަރުކާރު ބަންދުވާނީ ޖުލައި މަހުގެ 28 ވާ ބުރާސްފަތި ދުވަހު އެކަނި ކަމަށެވެ.
އެހެންކަމުން މިނިވަންދުވަހާ ގުޅިގެން 26 ޖުލައި ވާ އަންގާރަ ދުވަހުން ފެށިގެން ސަރުކާރު ބަންދުވުމަށްފަހު އޮފީސްތައް ދެން ހުޅުވޭނީ ޖުލައި މަހުގެ 31 ވާ އާދީއްތަ ދުވަހު ކަމަށް ބުންޏެވެ.
އަދި ޖުލައި މަހުގެ 24 ވަނަ ދުވަހާއި 25 ވަނަ ދުވަހު ސަރުކާރު ބަންދުކުރާ ގޮތަށް ހަމަޖެހިފައި ނުވާ ކަމަށްވެސް ބުންޏެވެ.
