އެމްޓީސީސީ ނޯތު ލީގުގެ ދެވަނަ ޑިވިޝަނުގެ ގުރޫޕް ބީ ގައި ށ. ފުނަދޫ ޔުނިޓީ ސްޕޯޓްސް އެކަޑަމީން ކުޅުނު ދެވަނަ މެޗުގައި 2-1 އިން އެސޯސިއޭޝަން ފޯ ފޯކައިދޫ ޔޫތު ޑިވެލޮޕްމެންޓު ބަލިކޮށްފި އެވެ.
އިއްޔެ ހަވީރު ކުޅުމެޗުގައި ފުރަތަމަ ލަނޑު ވަދެފައި ވަނީ އެސޯސިއޭޝަން ފޯ ފޯކައިދޫ ޔޫތު ޑިވެލޮޕްމެންޓުން ޓީމުގެ އަބްދުﷲ ތަރިޤް އަތުން ބައިކޮޅަށެވެ. އެލަނޑު ވަނީ މެޗުގެ 20 ވަނަ މިނެޓުގައެވެ. ފުރަތަމަ ހާފު ނިމުނީ 1-0 ނަދީޖާގައެވެ.
ދެވަނަ ހާފު ކުޅެން ނުކުމެ މެޗުގެ 47 ވަނަ މިނެޓުގައި އެސޯސިއޭޝަން ފޯ ފޯކައިދޫ ޔޫތު ޑިވެލޮޕްމެންޓުން ވަނީ ލަނޑެއްޖަހާ ނަތީޖާ ހަމަ ހަމަ ކޮށްފައެވެ. އެލަނޑު އެޓީމަށް ޖަހައިދިނީ މުހައްމަދު ރިޟްވާން އެވެ. އެލަނޑަށްފަހު އެޓީމަށްވަނީ ލަނޑު ޖަހާނެ ރަނގަޅު ފުރުސަތުތަކެއް ލިބި އެ ފުރުސަތުތަކުގެ ބޭނުން ނުހިފައެވެ. އޭގެ ނަތީޖާއަކަށް ވީ މެޗުގެ 83 ވަނަ މިނެޓުގައި ފުނަދޫ ޔުނިޓީ ސްޕޯޓްސް އެކަޑަމީން ލަނޑެއްޖަހާ އަލުން ލީޑް ނެގުމެވެ. ލަނޑު ކާމިޔާބު ކޮށްދިނީ އަބްދުﷲ ފަރުހާން އެވެ.
ދެން މި މުބާރާތުގެ މެޗެއްް ކުޅޭނީ މިމަހުގެ 23 ވަނަ ދުވަހުއެވެ. އެދުވަހު ބައްދަލު ކުރާނީ
އެސޯސިއޭޝަން ފޯ ފޯކައިދޫ ޔޫތު ޑިވެލޮޕްމެންޓާއި ނަރުދޫ ރަމްޒު ސްޕޯޓްސް އެކަޑަމީއެވެ.
