ހަނިމާދޫ ޕޮލިސް ސްޓޭޝަނުގެ ބެލުމުގެ ދަށަށް ގެނެސްފައި ހުރި ބަނގުރާ މިއަދު ނައްތާލައިފިއެވެ.
މިއަދު ހަނިމާދޫ ޕޮލިސް ސްޓޭޝަނުގައި ނައްތާލައިފައިވާ ބަނގުރަލަކީ 25 އޮގޯސްޓް 2021 – 27 މެއި 2022 ވަނަ ދުވަހާ ހަމައަށް ހަނިމާދޫ އިންޓަނޭޝަނަލް އެއާޕޯޓްގެ އޭވިއޭޝަން ކޮމާންޑްގެ ބެލުމުގެ ދަށަށް ގެނެވި ފުލުހުންނާ ހަވާލުކޮށްފައިހުރި ބަނގުރަލެވެ.
މިއަދު ނައްތާލާފައިވަނީ 255 ފުޅި ބަނގުރަލާއި 20 ދަޅު ބިޔަރެވެ. މިތަކެތި ނައްތާލާފައިވަނީ ނޫސްވެރިންގެ ހާޒިރުގައިއެވެ.
ފުލުހުން ބުނީ މިއަދު ނައްތާލި ބަނގުރާ ފުޅިތަކަކީ ރާއްޖެ އައުމަށްފަހު އެނބުރި ދާ ޓޫރިސްޓުންގެ އަތުން ހިފަހައްޓާފައިވާ ބަނގުރާ ކަމަށެވެ.
ބަނގުރާ ނައްތާލުމުގެ ހަރަކާތުގައި ހދ އަތޮޅު ޕޮލިސް ކޮމާންޑަރު އިންސްޕެކްޓަރ އޮފް ޕޮލިސް އަހުމަދު ފަޔާޒް އާއި ހަނިމާދޫ ޕޮލިސް ސްޓޭޝަނުގެ އިންޗާޖު ސަބް އިންސްޕެކްޓަރ އޮފް ޕޮލިސް އަބޫބަކުރު މުހައްމަދު ބައިވެރިވެވަޑައިގެންނެވިއެވެ.
