އެމްޓީސީސީ ސިއެސްއާރު ގެ ދަށުން ހަނިމާދޫ އައު ބަނދަރުގައި އަޅައިދޭ މަގުގައި ތާރުއަޅައި ނިންމާލައިފިއެވެ.
ހަނިމަދޫ މަގުތަކުގައި ތާރުއަޅައިގެން ރަނގަޅު ފެންވަރަކަށް ހެދުމުގެ މަސައްކަތް ހަވާލުވެ އެމަސައްކަތް ކުރަމުން ދިޔައިރު ބާ ބަނދަރުގައި އެޅިމަގާއި ގުޅުވައިގެން އައު ބަނދަރުގައި މަގުހަދައި ދެވިދާނެތޯ ހަނިމާދޫ ކައުންސިލްގެ ނައިބުވަނީ އެމްޓީސީސީގެ ސިއިއޯ ގެ ކިބައިން އެދިފައެވެ. ހަމަ އެވަގުތު އެކަން ސީއެސްއާރުގެ ދަށުން ކޮށްދެއްވާނެކަމަށް ވިދާޅުވިކަމަށް ހަނިމާދޫ ކައުންސިލްގެ ނައިބު ރައީސް ފިރާގު ވަނީ ގޮށްކޮޅަށް މައުލޫމާތު ދެއްވާފައެވެ.
އެދުވަހު ވިދާޅުވިގޮތަށް ހަނިމާދޫގެ 46،466 އަކަމީޓަރުގެ ސަރަހައްދެއްގައި ތާރު އަޅާ ނިންމާލިކަން އިއުލާން ކުރިތާ މާގިނަ ދުވަހެއްނުވެ މިވަނީ ބަނދަރުގެ އައު މަގުގައި ތާރު އަޅައި ނިންމާލާފައެވެ. އައު ބަނދަރުގައި އެޅި މަގުގެ ދިގުމިނުގައި 250 މީޓަރުގެ އަދި ފުޅާމިނުގައި 13 މީޓަރު ހުރެއެވެ.
މި މަގުގެ އިތުރުން އެމްޓީސީސީ ސިއެއްއާރުގެ ދަށުން ބެލެނިވެރިންގެ ހިޔާ އަދި ހަނިމާދޫ ސްކޫލްގައި ފުޓުބޯޅަ ދަނޑެއް އަދި ސްކޭޓު ކުރާނެ ސަރަހައްދެއް ތައްޔާރުކުރުން ކުރިޔަށް އެބަދެއެވެ.
ހަަނިމާދޫ ކައުންސިލުން އެދިލައްވާ ރަށާ ގުޅުންހުރި ގިނަ ކަންތަތަކުގައި އެކުންފުނިން ދަނީ ވަރަށް ފުރިހަމަޔަށް އެއްބާރުލުން ދެމުންނެވެ.
ޚިޔާލުތައް: