ބޭންކް އޮފް މޯލްޑިވްސް (ބީއެމްއެލް) ވަގުތީ ގޮތުން ހިންގުމާ އެ ބޭންކުގެ ޑެޕިއުޓީ ސީއީއޯއަކަށް ހުންނެވި އައިޝަތު ނޫރައްދީން ހަވާލުވެވަޑައިގެންފިއެވެ.
ނޫރައްދީންއާ ބީއެމްއެލްގެ ހިންގުން ހަވާލުކުރީ ބޭންކުގެ ސީއީއޯއަކަށް ހުންނެވި އިނގިރޭސި ރައްޔިތެއް ކަމަށްވާ ޓިމް ސޯޔާގެ ވަޒީފާގެ އެއްބަސްވުމުގެ މުއްދަތު ހަމަވުމުން މިދިޔަ ޖޫން މަހު މަގާމުން ވަކިވެވަޑައިގަތުމުންނެވެ.
ޓިމް މަގާމުން ވަކިވެވަޑައިގަތުމަށްފަހު މިދިޔަ މަހުގެ 14 ވަނަ ދުވަހު ބީއެމްއެލްގެ އެކްޓިން މެނޭޖިން ޑިރެކްޓަރު އަދި ބޭންކުގެ އިންޗާޖުގެ މަގާމަށް ހަމަޖައްސާފައިވަނީ އައިޝަތު ނޫރައްދީންއެވެ.
ބީއެމްއެލްއިން ބުނީ އާ ސީއީއޯއެއް ހަމަޖައްސާނެ ދުވަހެއް އަދި ނޭނގޭކަމަށާއި އާ ސީއީއޯއެއް ހޯދުމުގެ މަސައްކަތް އެ ބޭންކުން ކުރަމުން ގެންދާކަމަށެވެ.
