ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރު ސުހައިލް އަހުމަދު މަގާމުން އިސްތިއުފާ ދެއްވައިފި އެވެ.
އޭނަ އަކީ ކުރިން ހުޅުމާލޭ ޑިވެލޮޕްމަންޓް ކޯޕަރޭޝަންގެ ނަމުގައި ވެސް އެ ކުންފުނި ހިންގަމުން އައި އިރު ވެސް ގިނަ ދުވަސްތަކެއް ވަންދެން އެމްޑީގެ މަގާމު ފުރުއްވި ބޭފުޅެކެވެ. އެގޮތުން 2012-2015 އަށް އަދި އޭގެ ފަހުން ރައީސް އަބަދުﷲ ޔާމީންގެ ވެރިކަމުގައި ވެސް ކުންފުނީގެ އެމްޑީގެ މަގާމު ފުރުއްވި އެވެ.
އެޗްޑީސީފެ އެމްޑީއަކަށް ސުހައިލް އައްޔަންކުރީ މި ސަރުކާރުގެ ވަރަށް ކުރީކޮޅު އެވެ. ވިއްސަކަށް އަހަރު އެޗްޑީސީގައި މަސައްކަތްކުރެއްވުމަށް ފަހު އޭނާ އިސްތިއުފާ ދެއްވީ މިދިޔަ ހަފުތާގެ ބުރާސްފަތި ދުވަހު އެވެ.
ސުހައިލްހެ އިސްތިއުފާއާ ގުޅިގެން މިހާރު އެޗްޑީސީ ހިންގެވުމާ ހަވާލުވެ ހުންނެވީ ޑެޕިއުޓީ މެނޭޖިން ޑިރެކްޓަރު އަހުމަދު އާތިފެވެ.
