ހދ އަތޮޅު ޤުރުއާން މުބާރާތުގައި ހަނިމާދޫން ބައިވެރި ކުރާނެ ދަރިވަރުން ހޮވުމުގެ އޮޑިޝަން ފަށައިފިއެެވެ.
ހަނިމާދޫ ކައުންސިލް އަދި ހަނިމާދޫ ސްކޫލް ގުޅިގެން ފެށި އޮޑިޝަންގައި މިރޭ ވަނީ ކީ ސްޓޭޖް 3،4 ގެ ދަރިވަރުން ކިޔަވާފައެވެ. މި އޮޑިޝަން ކުރިޔަށް ދަނީ ހަނިމާދޫ އިޖުތިމާއީ މަރުކަޒުގެ ހޯލުގައެވެ.
މި އޮޑިޝަނުގައި ޖުމުލަ 46 ދަރިވަރުން ވަނީ ބައިވެރިވެފައެވެ. އެއީ ފައުންޑޭޝަން 1 ދަރިވަރަކާއި ކީ ސްޓޭޖް 1 ގެ 6 ދަރިވަރުން، ކީ ސްޓޭޖް 2 ގެ 20 ދަރިވަރުން، އަދި ކީ ސްޓޭޖް 3 ގެ 19 ދަރިވަރުންނެެވެ.
މި އޮޑިޝަނުގައި ފަނޑިޔާރުކަން ކޮށްދެއްވަނީ ހއ އަތޮޅު މަދަރުސާގެ ޤުރުއާން މުދައްރިސް އަލްފާޟިލް އަޙްމަދު ސުޖާއު އާއި ޕޮލިސް ސާޖަންޓް އަލްފާޟިލް މުޙައްމަދު ހުސެއިން ގެ އިތުރުން ހއ އަތޮޅު މަދަރުސާގެ ޤުރުއާން މުދައްރިސާ އަލްފާޟިލާ ހައްވާ ސާއިދާއެވެ.
މި އޮޑިޝަނުގެ ކިޔެވުން މާދަމާ ވެސް ކުރިޔަށްދާނެއެވެ. އެގޮތުން ހެނދުނު ކީސްޓޭޖް 2 ގެ އޮޑިޝަންގެ ކިޔެވުން 8:30 ފަށަން ހަމަޖެހިފައިވާއިރު، މެންދުރު 14:30 ގައި ފައުންޑޭޝަން އަދި ކީ ސްޓޭޖް 1 ގެ ދަރިވަރުންގެ ކިޔެވުން ފެށުމަށް ވަނީ ހަމަޖެހިފައެވެ.
މި އޮޑިޝަން ގޮށްކޮޅުގެ ފޭސްބުކް ޕޭޖްއިން ލައިވްކުރާނެއެވެ.
